रामेछाप, २१ असोज । आ–आफ्नो घरमा दशै मानेर आफन्तकोमा टिका लगाउन हिडेका सर्बसाधारणहरु पर्याप्त गाडि नपाउदा हैरानीमा परेका छन् ।
जुनसुकै बस, माइक्रो तथा सुमोहरुले कोचाकोच गरेर मानिसहरु ओसार पसार गर्ने गरेपछि टिका लगाउन हिडेका ब्यक्तिहरुले समयमा गाडि चढन नपाएर हैरानी ब्यहोरेका हुन् ।
दशैको बेला सबैलाइ आफन्तकोमा टिका लगाउन जानु पर्ने हुन्छ तर यो बेला पर्याप्त गाडिहरु नचल्दा र चलेका गाडिहरुले पनि क्षमता भन्दा बढि यात्रीहरु राखेर दौडानउने गर्दा दुर्घटनाको जोखिम पनि उत्तिकै रहेको छ ।
अझ दशैभर परेको अबिरल बर्षाले पनि दुर्घटना निम्त्याएको भएपनि द्वादशी (टिकाको पर्सि पल्ट) देखि मौसम खुल्ला हुदै गएपछि निजी सवारी साधन वालाहरुलाई भने यो बेला केहि सहज भएको छ ।
स्थानीय रुपमा चल्ले साना अटो हरुले पनि मनलाग्दि भाडा लिएर मानिसहरु ओसार पसार गर्ने गरेका छन् । गन्तब्य स्थानमा जसरी पनि पुग्नुपर्ने बाध्यता भएपछि टिका लगाउन हिडेका मानिसहरुले पनि अटो ब्यवसायिले भने अनुसारको भाडा तिर्न बाध्य हुनु परेको हो ।
अघि पछि सिला खोजे सजरी यात्रीहरु खोज्नु पर्ने यातायात ब्यावसायिहरुलाई भने अहिले पर्याप्त मानिसहरु भएपछि बोल्ने फुर्सद समेत छैन ।
केहि ब्यवसायिहरुले त अघि पछि टिकट काट्ने काउन्टरमा नवस्ने, रिजर्भ भन्दै काठमाण्डौको लागि १ हजार देखि १ हजार पाँच सय सम्म रकम असुल्ने र बाहिर बाटै गाडि पठाउने समेत गरिरहेका छन् । अघिपछि यात्री नपाएको झोकमा कमाउने बेला यहि हो भन्दै मन्लाग्दि भाडा असुल्ने परम्परा हरेक दशैका बेला रहेको छ ।
यो बेला धेरै यात्रीहरु ब्यवसायि मार्फत सिधा वा घुमाउरो पारावाट ठगिन सक्ने सम्भावना भएकोले छड्के रुपमा ट्राफिक चेक जाँचमा कडाई हुनपर्ने पत्रकार सुमित श्रेष्ठ बताउनुहुन्छ ।
यो बारेमा तपाईको प्रतिकृया