१६ असार, २०७६
टोकरपुर- दोरम्बा गाउँपालिकाको आगामी आर्थिक बर्ष २०७६ /७७ का लागि बार्षिक नीति तथा कार्यक्रम सार्बजनिक गरिएको हो । गाउँपलिकाका अध्यक्ष कमानसिं तामाङको अध्यक्षता एबं ३ नं प्रदेशका सामाजिक बिकास मन्त्री युवराज दुलालको प्रमुख आतिथ्यतामा सम्पन्न उक्त कार्यक्रममा अध्यक्ष तमाङले आर्थिक बर्ष २०७६/७७ को बार्षिक नीति तथा कार्यक्रम सहितको बजेट सार्बजनिक गर्नुभएको हो ।
गाउँपालिकाको नीति तथा कार्यक्रम अनुसार आर्थिक बिकास नीति , सामाजिक बिकास नीति, पूर्बाधार बिकास नीति, वन बातावरण तथा बिपत ब्यवस्थापन नीति, संस्थागत बिकास तथा सेवा प्रबाह नीति र बित्तिय ब्यवस्थापन तथा सुशासन लगाएतका नीति पास गरेको छ ।
नीतिमा शिक्षा, स्वास्थ्य तथा सरसफाई, महिला वालावालिका, युवा तथा जेष्ठ नागरिकको क्षेत्रलाइ समेटेको छ । त्यसैगरी , पूर्बाधार अन्तर्गत सडक,वन तथा बातावरण क्षेत्रलाई समेटिएको छ ।
उपाध्यक्ष कृशला घिसिङले प्रस्तुत गर्नुभएको बजेट अनुसार आगामी आर्थिक बर्ष २०७६/७७ का लागि आय तर्फ संघिय सरकारबाट बित्तिय समानीकरण तर्फ रु १२ करोड ४८ लाख, राजस्व वाडफाड बाँट ७ करोड ५३ लाख, ससर्त अनुदान तर्फ १४ करोड ८७ लाख, प्रदेश सरकारबाट प्राप्त बित्तिय समानीकरण तर्फ ९९ लाख ६७ हजार, सशर्त तर्फ १८ लाख ९८ हजार, सामाजिक सुरक्षा तर्फ, ५ करोड, चालु आर्थिक बर्षमा खर्च नभई बाँकी रहेको रकम करिब ३ करोड प्रदेश सरकारबाट प्राप्त हुने सबारी साधन कर बापत २ करोड १ लाख १२ हजार आन्तरिक आय गरी कुल ४६ करोड ३९ लाख ७७ हजार हुने अनुमान रहेको छ ।
त्यसैगरी उक्त बिनियोजित रकम मध्ये चालु तर्फ १२ करोड ३० लाख र पुँजीगत तर्फ ३४ करोड ९ लाख ७७ हजार रहेको छ । चालु तर्फको बिनियोजित रकममा सेवा प्रबाह तलब भत्ता, लगाएतका लागि ६ करोड, सामाजिक सुरक्षा भत्ता बितरणका लागि ५ लाख, बिनियोजन गरेको जनाइएको छ ।
त्यसैगरी पुँजिगत रकममा तर्फ आर्थिक बिकासमा २ करोड २७ लाख, सामाजिक बिकासमा १ करोड ७० लाख, पूर्बाधार बिकासमा ६ करोड १७ लाख १९ हजार, वन वातावरण र बिपद ब्यवस्थापन, बित्तिय जोखिम न्युनिकिरण र शुसासनमा ८० लख, लागत साझेदारी र जगेडा कोषमा रहेको ३ करोडबाट, गाउँपालिकाको गौरबको आयोजना सञ्चालन गर्ने लक्ष राखि रकम बिनियोजन गरी कुल रकम ४६ करोड ३९ लाख ७७ हजार बिनियोजन गरिएको कुरा उल्लेख गरिएको छ ।
कार्यक्रममा बोल्दै ३ नं प्रदेशका समाजिक बिकास मन्त्री युवराज दुलालले दोरम्बा गाउँपालिका कृषि, पर्यटन र पशुपालनको क्षेत्रमा पर्याप्त सम्भावना बोकेको गाउँपालिका भएकोले पालिकाले त्यसैलाई मुख्य आधार बनाएर विकास गर्नु पर्नेमा जोड दिनुभयो।
त्यसैगरी ३ नं प्रदेश सांसद शान्ति प्रसाद पौडेलले नीति तथा कार्यक्रम सन्तुतिल भएको तर त्यसमा केहि सुधार गर्नुपर्ने अस्था रहेको बताउनुभयो ।
नेकापा रामेछापका अध्यक्ष मैन कुमार मोक्तानले नीति तथा कार्यक्रम राम्रो भए पनि कार्यान्वयनको पाटो फितलो भयो भने गाउँपालिकाले विकासमा देखेको सपना पूरा नहुने बताउनुभयो । नीति तथा कार्यक्रमलाई अक्षरस पालन गर्नुपर्नेमा जोड दिनुभयो ।
कार्यक्रममा नेपाल पत्रका महासंघका पूर्ब अध्यक्ष हिमाल ढुंगेल, पालिका स्तरीय नेकपाका नेता हिरा श्रेष्ठ, गैसस महासंघका उपाध्यक्ष रत्न कडेल, शिक्षक महासंघका उपाध्यक्ष रामलाल तमाङ लगाएतले शुभकामना मन्तब्य राख्नु भएको थियो ।
यो बारेमा तपाईको प्रतिकृया