रामेछाप, माघ ५ गते । मन्थली नगरपालिका भित्र रहेका सहकारी संस्थाहरुलाई सहकारी तथा गरिबि सम्बन्धी ब्यवस्थापन सूचना प्रणाली (कोपोमिस) का वारेमा अभिमुखीकरण कार्यक्रम विहिवार बाट सुरु भएको छ ।
मन्थली नगरप्रमुख लव श्रेष्ठको अध्यक्षतामा भएको उक्त कार्यक्रमको उद्घाटन सत्रमा बोल्दै नगरप्रमुख श्रेष्ठले सहकारीहरुले बचत तथा ऋणको काम मात्र नगरेर सामाजिक काम समेत गर्न आग्रह गर्नुभयो ।
उहाँले नगर भित्र रहेका सहकारीहरु मिलेर आ–आफ्नो टोलमा बगैचा निर्माण, प्रतिक्षालय निर्माण जस्ता सामाजिक कामहरु गर्नुपर्ने कुरालाई जोड दिनुभयो । उहाँले सहकारीका शेयर सदस्यहरुले लगेको ऋणलाई उत्पादन सँग जोड्नु पर्ने मा त्यसो नभइ घरायसी समस्या समाधान गर्न ऋण लाने परिपार्टि भएकोले त्यस्तो क्षेत्रमा ऋण लगानी गर्दा जोखिम बढ्ने संभावना रहेकोले सहकारी सञ्चालकहरुलाई त्यस तर्फ सजग हुनु अनुरोध गर्नुभयो ।
कार्यक्रमका अबसरमा बोल्दै मन्थली नगरपालिकाका प्रमुख प्रशासिकय अधिकृत हरि प्रसाद चापागाँईले कोपोमिस सम्बन्धी तालिम नगरपालिकाले पहिलोपटक चलाउन पाएकोमा खुसी ब्यक्त गर्दै नीति र विधिमा नचल्ने सहकारीहरुले अब विभिन्न वाहाना बनाएर उम्कन नसक्ने वताउनुभयो ।
जिल्ला सहकारी संघ रामेछापका अध्यक्ष हिमाल ढुंगेलले मन्थली नगरमा रहेका केहि सहकारीहरु ज्यादै निस्कृय भएकोले अव हुने अनुगमनबाट तेस्ता सहकारीहरु कि मर्ज हुने कि ब्यस्थित ढंगवाट सञ्चालन हुने अपेक्षा गर्नुभयो ।
उहाले तालिममा सिकेकका कुराहरुलाई ब्यवहारमा उतार्न अनुरोध गर्दै यो सूचना प्रणाली सबै सहकारीहरुले प्रयोगमा ल्याउनुपर्ने बताउनुभयो ।
कार्यक्रम सञ्चालन गर्ने क्रममा बोल्दै मन्थली नगरपालिकाका शहकारी शाखा प्रमुख उज्वल पोखरेलले १ सय ८ वटा सहकारी रहेको यस नगर मा ४३ वटा सहकारीहरु अझैपनि कोपोमिस प्रणलीमा नगएको बताउनु भयो ।
दुइ दिन सम्म चल्ने सो कार्यक्रममा सहभागि रहेका ५५ जना सहकारी कर्मीहरुलाई सहकारी प्रशिक्षण तथा अनुसन्धान केन्द्रका सहकारी प्रशिक्षक नविन मैनालीले सहकारी तथा गरिबि सम्बन्धी ब्यवस्थापन सूचना प्रणाली (कोपोमिस) का बारेमा सैद्धान्तिक कुराहरुको जानकारी गराउनुका साथै प्रयोगात्मक अभ्यास समेत गराइ रनुभएको छ ।
यो बारेमा तपाईको प्रतिकृया