मन्थली,७ माघ । रामेछाप उध्याेग वाणिज्य संघले मन्थलीमा आयाेजना गरेकाे बृहत रामेछाप महाेत्सव -२०८० काे आज समापन गरिएकाे छ । संघका अध्यक्ष नवीन कुमार थापामगरकाे अध्यक्षतामा सम्पन्न उक्त कार्यक्रमका प्रमुख अतिथि एबं संघिय सांसद पूर्ण बहादुर तामाङ (कान्छाराम) ले यस्ता मेला महाेत्सवले बजारकाे आर्थिक अबस्थालाई चलायमान बनाउने भएकाले यस्ता कार्यक्रम बेला बेलामा गर्न आग्रह गर्नुभयाे । कार्यक्रमका अबसरमा प्रदेश संासद आनन्द श्रेष्ठ,जिसस प्रमुख चिना कार्की, मन्थली नगर प्रमुख लव श्रेष्ठ,नेपाली काङ्ग्रेस उपसभापति लेख ब कार्की, नेकपा एमालेका उप सचिव प्रकाश कुमार कार्की, माओवादि केन्द्र का अम्बिका गजुरेल, रा प्र पा का दिपक कार्की, राप्रपा नेपालका रामचन्द्र कडेल, पत्रकार महासंघ रामेछापका अध्य्यक्ष बद्री नयाँघरे,जिल्ला सहकारी संघ रामेछापका अध्यक्ष हिमाल ढुंगेल लगाएतले महाेत्सव अबधि भर भए गरेका कमीकमजाेरी र आगामी दिनमा गर्नुुुपर्ने सुधारका बारेमा आ-आफ्नाे मन्तब्य राख्नु भएकाे थियाे । उहाहरूले दिनभर महाेत्सव स्थल खाली हुने र साँझ परेपछि मात्र कलाकारहरूकाे प्रस्तुति रााख्नाले मन्थली आसपास भन्दा बाहेकका नागरिकलाई महाेत्सवले फाईदा नपुर्याएकाे बताउनु भएकाे थियाे । यहि पुस २६ गते देखि चलेकाे महाेत्सव ११ दिन पछि आईतवार वाट आैपचारिक रूपमा समापन भएकाे हाे । सुस्ताएकाे वजारलाई चलायमान वनाउने, स्थानीय कला र सास्कृतिक झाकी उजागर गरि स्थानिय पहिचान गराउने साथै कृषि उपज र घरेलु उत्पादित सामानहरू प्रदर्शनी र बिक्रि गर्ने साथै महाेत्सवमा ५० लाख मानिसहरू भित्र्याउने अाफ्नाे लक्ष पूरा भएकाे आयाेजकले जनाएकाे छ ।
यो बारेमा तपाईको प्रतिकृया