मन्थली,२९बैशाख । रामेछाप बहुप्राविधिक शिक्षालयको शैक्षिक गुणस्तर खस्कदै गइरहेको छ । शिक्षालयको नेतृत्वले शैक्षिक गुणस्तरलाई ध्यान नदिदा खस्कदै गएको सरोकार वालाहरुले बताएका छन् ।
कृषि, भेटेरीनरी,फुड एण्ड डेरी टेक्नोलोजी गरि ३ वटा बिषयमा पठन पाठन हुने यस शिक्षालयमा प्रत्येक विषयमा हरेक वर्ष ४०,४० जना भर्ना हुने कोटा रहेपनि प्रर्याप्त प्रचार प्रसारको अभामा उक्त कोटा समेत पुरा हुन सकिरहेको छैन । फुड एण्ड डेरी टेक्नोलोजिमा त गत वर्ष १ जना पनि विद्यार्थी भर्ना भएनन ।
नेतृत्वको फितलो प्रशासन,स्टाफ हरुमा समन्वयको कमी, शिक्षकहरुलाई मोविलाइजेशनको कमी , लामो समयदेखि सरोकारवालहरुलाई छोटो अबधिको तालिम को अभाव, शिक्षालयको बारेमा प्रचार प्रसारको अभाव र जागिरे मानसिकताका,बिद्यार्थीहरुलाई नन क्वालिफाइट को संकेत गर्नु अघि नै सक्षम बनाउन नसक्नु पनि यहाको गुणस्तर खस्कदै जानुका कारणहरु रहेको बताइएको छ ।
प्रमुख जिल्ला अधिकारी सञ्चालक समितिको अध्यक्ष रहने ब्यवस्था भएको उक्त शिक्षालयको गुणस्तर खस्कदै गएपछि पछिल्लो सयममा प्रजिअ लगाएतकाे ब्यवस्थापन समितिले केहि सुधारका प्रयासहरु गरेको पाइन्छ । जस मध्ये यस अघि केहि पालिकामा प्रचार प्रसारका कार्यक्रमहरु गरेको, शुक्रवार सराेकारवालाहरु र एस इ इ दिएर बसेका बिद्यार्थीहरुसँग अन्तरकृयात्कम कार्यक्रमको आयोजना गरिएको थियो ।
दीगो विकासका लागि दक्ष मानविय पुँजी निर्माण र मानव संसाधन ब्यवस्थपनको दिर्घकालिन लक्ष कसरी हासिल गर्न सकिन्छ भन्ने वारेमा जीवन विज्ञानका प्रशिक्षक सन्तोष खड्का र शशि श्री पौडेलले बिद्यार्थी र सरोकारवालाहरुलाई राखेर जानकारी गराउनुभएको थियो ।
सो अवसरमा बोल्दै प्रमुख जिल्ला अधिकारी अनिता निरौलाले वहु प्राविधिक शिक्षालयमा विद्यार्थीहरु को कोटा पनि नपुग्ने अबस्था सृजना भएको र फुड एण्ड टेक्नोलोजिमा विद्यार्थी समेत भर्ना नभएको बर्तमान अबस्थामा जिल्ला र पालिका स्तरमा यसको प्रचार प्रचारको अभियान थालिएको बताउनुभयो ।
उहाले बढि भन्दा बढि बिद्यार्थी लाई आकर्षण गरेर गुणस्तरीय शिक्षा दिने गरी शिक्षालयले शैक्षिक क्यालेन्डर बनाएर आफ्नो अभियान सञ्चालन गर्न शिक्षालयलाई निर्देशन दिइसकेको पनि बताउनुभयो ।
कार्यक्रमका अबसरमा प्राविधिक शिक्षालयका प्रमुख बैकुन्ठ श्रेष्ठले शिक्षालयको सुधारका लागि आफुले आबश्यक प्रयास गरिरहेको दावी गर्नुभयाे ।
यो बारेमा तपाईको प्रतिकृया