रामेछाप,१७ पुष । रामेछाप कलाकार समाजले रामेछापका पत्रकार हिमाल ढुंगेल सहित अन्य १० जना स्रष्टाहरु सम्मानित गरेको छ ।
समाजले शनिवार रामेछापको मन्थलीमा आयोजना गरेको स्रष्टा सम्मान तथा बृहत सास्कृतिक कार्यक्रम –२०७८ एबं चौथो जिल्ला अधिबेशनको अवसर पारेर ढुंगेल सहित अन्य ९ जना कलाकारहरुलाई सम्मान गरेको हो ।
यसरी सम्मानित हुनेहरुमा बरिष्ठ हास्य कलाकार शिवहरी पौडेल (मुखमा हान्नु जस्तो), अनिता बस्नेत,नायिका चाँदनी मोक्तान,मोडल रन्जिता गुरुङ,गायिका पार्वती कार्की, गितकार डिपी खनाल,लोक दोहोरी गायक खेम सेन्चुरी,गायकहरु क्रमश नबराज घोरासैनी,बिक्रम जंङ शाह रहनु भएको छ ।
समाजका अध्यक्ष राम कुमार पौडेलको अध्यक्षतामा चलिरहेको उक्त कर्यक्रमको उद्घाटन प्रदेश सांसद एबं पूर्ब मन्त्री शान्ति प्रसाद पौडेलले गर्नु भएको थियो ।
आइतवार साझ सम्म चल्ने बताइएको उक्त कार्यक्रममा पूर्ब मन्त्री पौडेल,मन्थली नगरपालिका वडा नं ३ का वडा अध्यक्ष केशव रोक्का, पत्रकार महासंघका अध्यक्ष बद्रि नयाँघरे, रामेछाप उद्योग बाणिज्य संघका अध्यक्ष केशव प्रसाद घिमिरेले आ आफ्नो मन्तब्य राख्नु भएको थियो भने कलाकारहरु नवराज घोरासैनी,शिवहरी पौडेल, प्रकाश कटुवाल लगाएतले गित र अन्य प्रहसन प्रस्तुत गर्नु भएको थियो ।
कार्यक्रम अघि बिभिन्न पालिका वाट आएको परियार समुदायको पञ्चेबाजा,माझी समुदाय, सुनुवार समुदाय र मगर समुदायको झाँकी सहितको रयालीले मन्थली बजार परिक्रमा गरेको थियो ।
अधिबेशनले नयाँ नेतृत्व चयन समेत गर्ने आयोजकले जनाएको छ ।
यो बारेमा तपाईको प्रतिकृया