रामेछाप– जिल्लाको मन्थली नगरपालिका ३ कठजोरमा रहेको निलकण्ठेश्वर बचत तथा ऋण सहकारी संस्था लिमिटेडले आफ्नो १९ आंै वार्षिक साधारण सभा एक औपचाकि कार्यक्रमका साथ सम्पन्न गरेको छ । सहकारीले मंगलवार निलकण्ठेश्वर मावि कठजोरको हाता भित्र आफ्नो साधारण सभा सम्पन्न गरेको हो ।
१९ वर्ष अघि संस्थाका वर्तमान अध्यक्ष गुन्ज बहादुर श्रेष्ठ लगाएतका २७ जना अगुवाहरुले एक–एक हजार बचत गरेर आरम्भ गरेको उक्त सहकरी संस्थाले हाल सम्म ३ सय १४ जना शेयर सदस्य पु¥याएको छ । साधारण सभामा सचिब रामचन्द्र अधिकारीले साँगठनिक प्रतिबेदन र कोषाध्यक्षको तर्फबाट व्यवस्थापक केदार न्यौपानेले आर्थिक प्रतिवेदन पेश गर्नुभएको थियो । हाल सहकारीमा कुल शेयर सदस्य ३ सय १४ जना रहेकोे उक्त सहकारीले गत आर्थिक वर्षमा ५० लाख ९१ हजार रुपैयाँ बराबरको कारोबार गरीरहेको छ । सहकारीले गत आर्थिक वर्षमा कुल १ लाख ५१ हजार मुनाफा कमाउन सफल भएको व्यवस्थापक केदार न्यौपानेल जानकारी गराउनु भएको छ ।
साधारण सभाको उद्घाटन बचत तथा ऋण सहकारी संस्था लिमिटेड रामेछापका पूर्व जिल्ला अध्यक्ष गोविन्द घिमिरेले गर्नुभएको थियो । साधारण सभाको उद्घाटनका क्रममा बोल्दै प्रमुख अतिथि घिमिरेले सामाजको विकासका लागि सहकारी अनिवार्य भएको भन्दै यसको आर्थिक तथा संस्थागत विकासका लागि संचालकहरुलाई ईमान्दार भएर संस्थालाई अगाडी बढाउन आग्रह गर्नुभएको छ । उहाँले सबै शेयर सदस्यले सहकारी के हो ?, कसका लागि सहकारी, सहकारीको फाईदा र बेफाईदाका बारेमा पनि अनिवार्य रुपमा जानकारी लिनु पर्ने बताउनुभयो ।
साधारण सभाका अवसरमा असल ऋणी, असल वचतकर्ता र असल अध्ययन गर्ने शेयर सदस्यका बालवबलिकालाई पनि सम्मान गरिएको छ । संस्थाका अध्यक्ष गुन्ज वहादुर श्रेष्ठको अध्यक्षतामा भएको उक्त साधरण सभामा जिल्ला सहकारी संघका कार्यवहाक अध्यक्ष हिमाल ढुंगेल, मन्थली बचत तथा ऋण सहकारी संस्थाका कोषाध्यक्ष टिका भट्ट, साहारा बचत तथा ऋण सहकारी संस्था लिमिटेडका संचालक सदस्य वद्री नयाँघरे लगायतका वक्ताहरुले निलकण्ठेश्वर साकोसले गाउँको आर्थिक विकासमा खेलेको भूमिकाको बारेमा चर्चा गरेका छन् । उनिहरुले शेयर सदस्यहरुलाई पनि संचालकहरुले खेल्नु भएको भूमिकाको बारेमा सहि ढंगले खबरदारी गर्न आग्रह गरेका छन् ।
यो बारेमा तपाईको प्रतिकृया