रामेछाप- रामेछापको रामेछाप नगरपालिका वडा नम्बर ६ ओख्रोनी घर हुनुभएकी फूलमाया योञ्जनले आफू शेयर सदस्य रहेको मन्थली बचतबाट २०७५ सालमा एक लाख ५० हजार ऋण लिनुभएको थियो । उहाँले ऋण लिने बेला सहकारीले रिलायबल नेपाल लाइफ इन्स्योरेन्स लिमिडेको रिलायबल म्यादी जिबन बिमा पनि गरिदिएको थियो ।
एक लाख दश हजार ऋण लिनुभएकी योञ्जनले विमा कम्पनीलाई म्यादी जिबन बिमा गरे बापत ९ सय ६० रुपैयाँ सेवा शुल्क तिर्नुभएको थियो । ऋणी फूलमाया योञ्जनको २०७६ साल असोज १४ गते आफ्नो काल गतिको कारण निधन भयो । त्यसपछि उहाँले रिलायबल म्यादी जिबन बिमा गर्दा तिरेको ९ सय ६० रुपैयाँ पैसाले उहाँको परिवारलाई दुई लाख दश हजार रुपैयाँ बराबरको रकम दिलायो ।
रिलायबल नेपाल लाइफ इन्स्योरेन्स लिमिटेड मन्थली शाखामाले योञ्जनको मृत्यु पश्चात मृतकको श्रीमान प्रेम बहादुर योञ्जनलाई मन्थली बचतमा एक कार्यक्रमको आयोजना गरी चेक हस्तान्तरण गरेको ग¥यो । मृतक योञ्जनले सहकारीबाट ऋण लिने बेला म्यादी जिबन बिमा बापतको ९ सय ६० रुपैयाँ सेवा शुल्क नतिरेको भए उहाँलको परिवारले यो पैसा पाउनुहुन्थेन । यो पैसाले उहाँको परिवारलाई थोरै भए पनि आर्थिक रुपमा सहयोग पुगेको छ । रिलायबल नेपाल लाइफ इन्स्योरेन्स लिमिटेड केन्द्रिय कार्यालयका कर्पाेरेट मार्केटिङका मोहन खत्रि, शाखा प्रबन्धक सन्तोष श्रेष्ठ र मन्थली बचत तथा ऋण सहकारी संस्थाका सचिव गोबिन्द प्रसाद घिमिरेको उपस्थितिमा मृतकका श्रीमान योञ्जनलाई रकम हस्तान्तरण गरिएको हो ।
यो बारेमा तपाईको प्रतिकृया