एक्काइसौं शताब्दी सूचनाको शताब्दी हो । सूचना बिना अहिलेको मानव पानी बिनाको माछा जस्तै हुन्छ । घरमा सूचना कार्यालय र टेवुलमा सूचना, बनमा सूचना, कानमा सूचना, यात्रामा सूचना, जात्रामा सूचना रातमा सूचना, दिनमा सूचना, हात–हातमा सूचना, उर्लदो सूचनाको भेलमा डुवुल्कि मार्दे समाज परिवर्तनको संवाहक बन्नु हाम्रो पनि कर्तव्य हो भन्ने हाम्रो बुझाई हो ।
परिवर्तित समय संगै पाठकहरुको सूचनाको हकलाई अरु मर्यादित र जिम्मेवार बनाउनु पर्छ भन्ने मान्यतालाई आत्मासात गर्दै लोकतन्त्र दिवस अथवा वैशाख ११ गतेको दिनलाई हामिले आफ्नो आरम्भको दिनका रुपमा रोज्यौ । लोकतन्त्रमानै हाम्रो अभियान फस्टाउन सक्छ भन्ने मान्यताका साथ सूचनाको बजारमा हामीले नेपाल अभियान मिडिया ग्रुप प्रा.लीको सह-प्रकाशन नेपाल अभियान डट कम आरम्भ गरेका छौँ । लोकतन्त्र दिवसको अवसर पारेर आरम्भ भएको हाम्रो अभियानलाई संस्थागत गराउने अभियानमा हामीले आम पाठक वर्गलाई पनि न्यायदूतका रुपमा चित्रण गरेका छौँ । सूचनाको संजाललाई सूचनाकै माध्मबाट अझै परिष्कृत र जिम्मेवार बनाउने अभियानमा हामीले हाम्रा पाठक वर्ग र विज्ञापनदाताको माया पाईरहने विश्वास लिएका छौँ ।
नयाँ वर्षको आरम्भ सँगैको लोकतन्त्र दिवस नेपाली नागरिकहरुको लागि खुसी र गौरवको दिवस पनि हो । यो खुसीयालीमा नेपाल आमाको न्यानो काखबाट विश्वमान चित्रमा हामीले पनि चियाउने प्रयास गरेका छौँ । निश्चय पनि हाम्रो अभियानलाई सबै क्षेत्रबाट सहयोगनै पुग्नेछ भन्ने हाम्रो बुझाई रहेको छ । हाम्रो अभियान सूचनाको माध्यमबाट मुलुक परिवर्तनको संवाहक बनाउने अभियान पनि हो । सकरात्मक सोच र सहि सूचनामानै लोकतन्त्र फस्टाउँछ भन्ने मान्यताका साथ हामी यहाँहरुका माझमा आएका छौँ । यो शुभ अवसरमा हामीले नेपालको संविधान, ऐन र कानुनलाई पनि उत्तिकै ख्याल गर्नै प्रयत्न गर्ने छौँ । आशा छ हाम्रो अभियान नयाँ नेपाल निर्माण अभियानको अभियान्ताको साधकका रुपमा रहनेछ । अभियान सफलताका लागि हामीलाई सबैको साथ र सहयोग निरन्तर मिलिनै रहने छ भन्ने अपेक्षा सहित सबै जनमा नेपाल अभियानको तर्फवाट नमन गर्न चाहन्छौ ।
यो बारेमा तपाईको प्रतिकृया