१९ माघ, २०७५
रामेछाप– जिल्लामा रहेका सरकारी कार्यालयका सूचना आदनप्रदन लागि कार्यालयका सूचना अधिकारीहरुलाई छुट्टै नम्बरको ब्यवस्था गरिएको छ । जिल्लमा रहेका प्रत्ेयक सरकारी कार्यालमा सूचना अधिकारीबाट लिनु पर्ने सूचनालाई छिटो भन्दा छिटो उपलब्ध गराउने उद्देश्यले छुट्टै नम्बरको ब्यवस्था गरिएको हो । जिल्ला प्रशासन कार्यालय रामेछामा सरकारी कार्यालयका सूचना अधिकारी र पत्रकारहरु बीचको अन्तक्रियामा छुट्टै नम्बर प्रदान गरिएको जानकारी गराइएको हो । सरकारी कार्यालयबाट प्रबह हुने सेवा सम्बन्धी सोधपुछ तथा आवश्यक जानकारी जिल्लाका संचार संस्था र सेवाग्रहीलाई उपब्ध गराउने गरी आठ ओटै स्थानीय तह लगायत ४२ वटा कार्यालयले जिल्ला प्रशासन कार्यालय रामेछापको समन्वयमा नेपाल टेलिकम रामेछापबाट नम्बर पाएका हुन् ।
अन्तरक्रियामा जिल्लामा क्रियाशिल पत्रकारहरुले सरकारी कार्यालयबाट अझै पनि तथ्यमा आधरित सूचना नआएको गुनासो गरेका छन् । आवश्यक पर्ने सूचना माग गर्दा केही सरकारी कार्यालयले आलटाल गरेर सूचना नदिने गरेको पत्रकारहरुको आरोप छ । कार्यालयले गरेका हरेक गतीविधिको सूचना माग गर्दा पत्रकारहरुलाई खराब नियतले मागेको भन्ने आरोप लाग्ने गरेकाले त्यसरी नसोच्न सूचना अधिकारीहरुलाई पत्रकारहरुले आग्रह गरेका छन् ।
अन्तरक्रियमा जिल्ला प्रशासन कार्यालय रामेछापका सूचना अधिकारी तथा साहयक प्रमुख जिल्ला अधिकारी यज्ञ प्रसाद शर्माले जुनसुकै कार्यालयले पनि सेवाग्राही तथा संचार संस्थाहरुले माग गरेका सूचनाहरु तत्काल उपलब्ध गराउन सबै कार्यालयका सूचना अधिकारीहरुलाई आग्रह गरेका छन् ।
यो बारेमा तपाईको प्रतिकृया