जगदिश स्मृति पुरस्कार रोचक घिमिरेलाई

२१ पौष, २०७५

रामेछाप– यस बर्षको जगदिश स्मृति पुरस्कार साहित्यकार रोचक घिमिरेलाई प्रदान गरिएको छ । जगदिश घिमिरे प्रतिष्ठानले शनिबार मन्थलीमा आयोजना गरेको पाँचौ साहित्यीकसभाको घिमिरेलाई पुरस्कृत गरिएको हो ।
नेपाली भाषा, साहित्य र सात्यिक पत्रकारिताको क्षेत्रमा समेत बिगत छ दशक देखि क्रियाशिल साहित्यकार घिमिरेलाई जगदिश घिमिरे प्रतिष्ठानले उनलाई रु ५१ हजार नगदको साथमा प्रसंसापत्र सहित पुरस्कृत गरेको छ ।
पाँचौ साहित्यीकसभामा नेपाल प्रज्ञा प्रतिष्ठान द्धारा प्रकाशित जगदिश घिमिरेका प्रतिनिधि कथाहरु नमक पुस्तकको पनि बिमोचित समेत गरिएको छ । कार्यक्रमका प्रमुख अतिथि समेत रहेका मन्थली नगरपालिकाका नगर प्रमुख रमेश बस्नेतले उक्त पुस्तकको बिमोचन गरेका हुन् ।
रचना बाचन गर्दै सर्जकहरुले ३ लालको जिल्ला भनेर चिनिने रामेछाप जिल्लालाई जगदिश घिमिरेलाई १ लालको रुपमा थपेर ४ लालको जिल्ला भनेर घोषणा गर्नु पर्ने माग गरेका छन् । साहित्यकारको मागलाई नगर प्रमुख रमेश बस्नेतले जगदिश घिमिरेलाई चौथो लालको रुपमा चिनाउन आफुले सकेको पहल गर्ने प्रतिबद्धता ब्यक्त गरेका छन् ।
जगदिश घिमिरे प्रतिष्ठान की अध्यक्ष दुर्गा घिमिरेको अध्यक्षतामा सम्पन्न कार्यक्रममा स्थानीय तथा राष्ट्रिय स्तरका साहित्यकारहरु साहित्यकारहरुले आ–आफ्नो सिर्जनाहरु बाचन गरेका थिए ।