रामेछाप २२ असार । अघिल्लो पाँच बर्ष चरम विबादका विच आफनो कार्यकाल विताएको लिखु तामाकोसी गाउँपालिकाले पालिकाको शुद्धिकरण अभियानलाई सार्थक बनाउने मुख्य लक्ष्यका साथ असार मसान्तबाट आफना सबै करार कर्मचारीको म्याद थप नगर्ने निर्णय गरेको छ ।
गत बिहीबार बसेको गाउँकार्यपालिकाको बैठकले गाउँपालिका अन्तर्गतका करार सेवामा कार्यरत कर्मचारीको म्याद थप नगर्ने र हाजिर नगराउन निर्देशन दिने निर्णय गरेको हो । स्थानिय निकायलाई आर्थिक भार नपर्ने प्रदेश र संघिय तहका कुनै पनि कर्मचारिको हकमा भने उक्त निर्णय लागु नहुने पनि पालिकाले जनाएको छ ।
निर्णयमा भनिएको छ,‘यस लिखु तामाकोशी गाउँपालिका अन्तर्गत करार सेवामा कार्यरत सम्पूर्ण कर्मचारीहरुको म्याद थप सम्बन्धमा असारमसान्त पश्चात अर्को व्यवस्था नभएसम्म कार्यालयमा हाजिर नगराउन सम्बन्धित शाखा÷निकायलाई निर्देशन दिने निर्णय गरियो।’तर करार कर्मचारी हरुले भने बिना कारण आफुहरुलाई हटाउने निर्णय गरेको भन्दै असन्तुष्ट जनाएका छन्। बैठकले पालिकाले आर्थिक वर्ष २०७७÷७८ मा विज्ञापन आव्हान भएका पदहरुको पदपूर्ति प्रक्रिया हालसम्म नभएको भन्दै विज्ञापन रद्ध गर्ने निर्णय गरेको छ।
यसैगरी बैठकले गाउँपालिका अन्तर्गतका रिक्त रहेका प्राविधिक, पदहरुको विज्ञापन आव्हान गरी पदपूर्ति प्रकिया अगाडि बढाउने निर्णय समेत गरेको छ। इन्जिनियर सिभिल, कृषि विकास अधिकृत, पशु विकास अधिकृत तह, प्राविधिक सहायक, सब–ईन्जिनियर, रोजगार संयोजक, प्रशासन सहायक हलुका सवारी चालकलगायतका पदमा २३ जना र स्वास्थ्य सेवा अन्तर्गतका सम्पूर्ण रिक्त दरबन्दी पदपूर्ति गर्ने प्रक्रिया अगाडि बढाउने भएको छ।
यस अघि नेकपा एमालेबाट टीकट पाएर अध्यक्ष जीतेका गोविन्द खड्का र अन्य पदाधिमारी विचको असहमति पछि पालिका द्धन्द्धमा फसेकोले यो विचमा पालिकाले आफनो विकाससमा कुनै उल्लेखनिय प्रगति गर्न नसकेको भन्दै नब निर्वाचित अंगले त्यसको सुधारका लागि करार कर्मचारी बाट आफनो यात्रा आरम्भ गरेको हो । हाल लिखु तामाकोसी गाउँपालिकाको अध्यक्षमा नेपाली कांग्रेसका केशव महत र उपाध्यक्षमा एमालेकी दीपा पाख्रिन रहेकि छिन ।गाउँपालिकामा एमालेले उपाध्यक्षसहित ३ वडा, कांग्रेसले अध्यक्षसहित २ वडा र माओवादी केन्द्रले २ वडा जितेको उक्त पालिकाको कार्यपालिकामा भने नेका र नेकपा माओवादीको गठबन्धन रहेको छ ।
निर्णयका सम्बन्धमा पालिकाका अध्यक्ष केशव महतले करार कर्मचारीको म्याद थप र कारणका बारेमा पालिकाको बैठकमा राम्रो छलफल भएको आधारमा विबेक सम्मत निर्णय गरिएको जानकारी दिए । उनले भने हामिले पालिकाको नियमित काममा सहयोग पुर्याउन र पालिकाको संस्थागत विकासका लागि उक्त निर्णय लिन बाध्य भएका हौ । तर लामो समय देखिनै करारमा रहेर काम गर्दे आएका स्वास्थ र प्राविधिक क्षेत्रका कर्मचारीको हकमा भने उपाध्यक्ष, वडाअध्ययक्ष सहित बसेर छलफल गरिने पनि अध्यक्ष महतले जानकारी गराए । उनले करारको म्याद नथप्दैमा पालिकाको काममा कुनै पनि बाधा नआउने दावि समेत गरे ।
यो बारेमा तपाईको प्रतिकृया