रामेछाप २३ असार । मन्थली नगरपालिकाका नगर प्रमुख लब श्रेष्ठले बागमति प्रदेशका उद्योग तथा बाणिज्य मन्त्री मिलन बाबु श्रेष्ठलाई आफनो कार्यकक्षमा बोलाएर स्वागत गरेका छन् । उनले विहिबार उप प्रमुख ईश्वरी बस्नेत,प्रमुख प्रशासकिय अधिकृत लिलाराज पौडेल र विभागिय प्रमुखहरु र मन्थली आसपास वडाका वडा अध्यक्षहरु समेतको रोहबरमा कार्यकक्षमा मन्त्रीको स्वागत मात्र गरेनन् , साना उद्योगको अबस्था र संचालनमा भएका समस्या आदीका बारेमा जानकारी पनि गराए ।
मन्त्री संगको भेटका अबसरमा नगर प्रमुख श्रेष्ठले सदरमुकाम मन्थली र मन्थली नगरपालिका भित्र संचालित साना उद्योग र उद्योग स्थापनाका लागि देखिएको समस्या र तिनको समाधानका लागि भएको प्रयास र प्रदेश सरकार संग नगरले गरेको अपेक्षाको बारेमा पनि जानकारी गरएका थिए ।
भेटघाटमा प्रमुख श्रेष्ठले मन्थलीमा संचालित नेपाली कागज उद्योग, जुनार र जुनार जुसको उत्पादन र प्रर्बद्धन,दुध र दुग्धजन्य पदार्थको उत्पादन र तिनको संस्थागत ब्यवसायीकता र विकासका लागि प्रदेश सरकार संग सहयोगका लागि पनि आग्रह गरे । उनले मन्थलीमा उद्योग स्थापना र प्रर्बद्धनका लागि नगरपालिकाले प्रदेश सरकार संग मिलेर काम गर्न चाहेको पनि सो अबसरमा गराएका थिए ।
नगर प्रमुखको स्वागत र भनाई प्रति सकरात्मक देखिएका मन्त्री मिलन बावु श्रेष्ठले मन्थलीमा साना उद्योग संचालन गर्न र उद्योग प्रर्बद्धनका लागि प्रदेश सरकार मन्थली नगर संग मिलेर जानका लागि तयार रहेको पनि बताए । उनले त्यसका लागि आबश्यक बजेट जिल्ला घरेलु कार्यलय मार्फत पठाईदिने आश्वासन पनि दिए । मन्थली नगरको विकासका लागि आफनो मन्त्रालय भन्दा बाहिरका मन्त्रालय संग समन्वय गर्न पनि आफु तयार रहेको भन्दै उनले उद्यम विकासको क्षेत्रमा आफुले भरपुर सहयोग गर्नै पनि प्रतिबद्धता ब्यक्त गरेका थिए । उनले मन्त्रालयले मन्थलीमा औद्योगिक ग्राम निर्माणका लागि मन्थली नगर संग मिलेर काम गर्न चाहेको पनि प्रतिबद्धता ब्यक्त गरे ।
छलफल पछि मन्त्री श्रेष्ठले सानी मदौको निर्माणाधिन चिस्यान केन्द्रको पनि अनुगमन गरेका थिए । सो अबसरमा उनले उक्त चिस्यान केन्द्र सरकारी मापदण्डका आधारमा बने नबनेको हेर्न र त्यसको संरक्षणका लागि विधिका आधारमा स्थानिय सरकारलाई हस्तान्तरण गर्ने पकृयामा तत्काल लाग्ने पनि उनले प्रति
बद्धता जनाए ।
यो बारेमा तपाईको प्रतिकृया