रामेछाप- रामेछापमा ज्वोरो आएर आइसोलेसन वार्डमा भर्ना भएका विरामी डिस्चार्ज भएका छन् । केही दिन अघि सदरमुकाम मन्थलीमा रहेको तामाकोशी अस्पतालको आइसोलेसन वर्डमा ज्वोरो आएर भर्ना भएका ति विरामीलाई आइतबार पूर्ण रुपमा निको भएपछि डिस्चार्ज गरिएको डा. सुमन कर्माचार्यले बताउनुभयो । उहाँ बाहेक अन्य विरामी आइसोलेसनमा नभएको पनि उहाँले बताउनुभयो ।
त्यस्तै जिल्लाभरी आइतबार सम्ममा ५६ जना क्वारेन्टाइनमा रहेको स्वास्थ्य कार्यालय रामेछापका निमित्त स्वास्थ्य प्रमुख जितेन्द्र कर्णले बताउनुभयो । क्वारेन्टाइनमा बस्ने व्यक्तिहरुको अवस्था सामान्य रहेको उहाँले बताउनुभयो । उहाँका अनुसार क्वारेन्टाइनमा बस्ने व्यक्तिहरु विदेशबाट आउने रहेका छन् ।
महामारीको रुपमा फैलिई रहेको कोरोना भाइस नियन्त्रणको लागि जिल्लाभरी १ सय ६७ बेड क्षमतको क्वारेन्टाइन र ४८ बेड क्षमतको आइसोलेसन कक्ष तयार भइसकेको पनि डा कर्णले बताउनुभयो ।
कर्णले नेपालमा कोरोना भाइरसको संक्रमण पुष्टि भएका व्यक्तिहरु पाँचै जना विदेशबाट आएका रहेकाले विदेशबाट घर फर्केका व्यक्तिलाई संक्रमणको जोखिम उच्च हुने हुँदा यदि त्यस्ता व्यक्ति भए तत्काल क्वारेन्टाइनमा बस्न आग्रह समेत गर्नुभएको छ ।
यो बारेमा तपाईको प्रतिकृया