मंगलबार राती ज्यान गएका गेलुका बृद्धमा कोरोना भाइरस नभएको पुष्टि

रामेछाप- मंगलबार राती मृत्यु भएका मन्थलीका एक व्यक्तिको रिपोर्टमा कोरोना भाइरसको संक्रमण नभएको पुष्टि भएको छ । मृतक बृद्धमा देखिएको लक्षण केही कोरोना भाइरससँग मिल्दोजुल्दो देखिएकाले तामाकाेशी अस्पतालले स्वाब परिक्षणको लागि बुधबार बिहान धुलिखेल अस्पतालमा पठाएको थियो ।

धुलिखेल अस्पतालमा पठाइएको स्वाबमा कोरोनाको संक्रमण नदेखिएको तामाकोशी अस्पतालका डा. सुमन कर्माचार्यले बताउनुभयो । रामेछापको तामाकोशी अस्पतालमा उपचाररत गेलु घर भएका बृद्धको मंगलबार राती ज्यान गएको थियो ।