रामेछाप- रामेछापमा सोमबार देखि सुरु गरिएको कोरोना भाइरस संक्रमणको परिक्षणमा विहिबार सम्ममा ५२ जनाको परिक्षण सकिएको छ । चार दिनको अवधिमा र्यापिड डायग्नोस्टिक टेष्ट प्रविधिबाट परिक्षण गरिएका ५२ जनाकै रिपोर्ट नेगेटिभ देखिएको स्वास्थ्य कार्यालय रामेछापले जनाएको छ ।
८ स्थानीय तह रहेको रामेछापमा स्वास्थ्य कार्यालय रामेछापले परिक्षाणलाई छिटो गर्ने गरी तीन समूहमा स्वास्थ्यकर्मीहरुको टोली परिचालन गरेर काम भइरहेको स्वास्थ्य कार्यालय रामेछापका निमित्त कार्यालय प्रमुख जितेन्द्र कर्णले बताउनुभयो ।
उहाँका अनुसार विहिबार सम्ममा रामेछाप नगरपालिकाका २४ जना, मन्थली नगरपालिकाका १० जना, गोकुलगंगा गाउँपालिकाका १३ जना र लिखुतामाकोशी गाउँपालिकाका ५ जनाको स्थानीय तहमै गएर परिक्षण गरिएको छ । बाँकी रहेका स्थानीय तहमा पनि नियमित रुपमा काम भइरहेको निमित्त कार्यालय प्रमुख जितेन्द्र कर्णले बताउनुभयो ।
यो बारेमा तपाईको प्रतिकृया