आइतबार कोरोना भाइरसका दुई संक्रमित भेटिए, नेपालमा संक्रमितको संख्या ५१ पुग्यो

आइतबार कोरोना भाईरसका दुई संक्रमित व्यक्ति भेटिएका छन् । स्वास्थ्य तथा जनसंख्या मन्त्रालयले आइतबार दिउँसो प्रेस बिज्ञप्ति जारी गर्दै दुई जनामा संक्रमित पुष्टि भएको जनाएको छ ।

राष्ट्रिय जनस्वास्थ्य प्रयोगशालामा भएको परीक्षणमा उनिहरुमा कोरोना भाइरस संक्रमणको पुष्टि भएको बिज्ञप्तिमा जनाईएको छ ।  संक्रमित दुबै जना वीरगंजका रहेका छन् । आइतबार दुई जनामा कोरोना भाइरसको संक्रमण पुष्टि भएसँगै नेपालमा संक्रमितको संख्या ५१ पुगेको छ । जसमध्ये १२ जना उपचारपछि निको भएर घर फर्किसकेका छन् ।