रामेछाप– जिल्ला विपद् व्यवस्थापन समितिको बैठकले लकडाउनलाई पहिलाको भन्द थप कडाई गर्ने निर्णय गरेको छ । प्रमुख जिल्ला अधिकारी रुद्रादेवी शर्माको अध्यक्षतामा बसेको समितिको बैठकले १४ ओटा निर्णय गर्दै तराईबाट हरियो तरकारी, फलफूल, माछामासु, कुखुराको ढुवानी आदि सामाग्री यसअघि नियमित ल्याइएको र बैशाख १८ गते राती १२ बजेबाट लागु हुने गरी प्रतिबन्ध लगाएको छ ।
पछिल्लो समयमा तराईका जिल्लाहरुमा कोरोना संक्रमितको संख्या बढ्दै गएपछि जिल्लाबासीहरुले तराईबाट आउने ढुवानीका साधनहरु बन्द गर्नुपर्ने माग राख्दै आएका थिए । बुधबार संघीय संसाद श्याम कुमार श्रेष्ठ, प्रदेश सासंद शान्ती प्रसाद पौडेल, स्थानीय तहका प्रमुखहरु, सरोकारवाला निकायका प्रतिनिधि सहितको उपस्थितिमा बसेको बैठकले यस्तो निर्णय गरिएको हो ।
त्यस्तै बैठकले लकडाउनका बेला संचालन हुने आयोजनाहरुले संघीय सरकार र प्रदेश सरकारले संचालनका लागि लेखि आएका प्राथमिकता प्राप्त आयोजनाहरु वर्षातको समय अगाडि सम्पन्न गर्नु पर्ने भनी टेन्डर तथा सम्झौता भएका आयोजनाहरु सहमती लिई संचालन गर्ने पनि निर्णय गरेको छ । यसरी संचालन हुने आयोजनालाई आवश्यक पर्ने श्रमिकहरु बाहिरबाट ल्याउन पाइने छैन् ।
त्यस्तै सुगर, प्रेसर, क्यान्सर मुटुरोग जस्ता दिर्घरोगीहरुले खाँदै आएको औषधीहरुको सबै पालिकाले वडा तहबाट माग संकलन गरी वडा मार्फत वितरण गर्नेगरी व्यवस्था मिलाउने समेत निर्णय भएको छ ।
कोरोना नियन्त्रणको लागि सरकारले लगाएको लकडाउनलाई थप प्रभाकारी गराउने गरी माथि उल्लेखित निर्णयसहित १४ ओटा निर्णय भएको जिल्ला प्रशासन कार्यालय रामेछापले जनकारी दिएको छ ।
जिल्ला विपद् व्यवस्थापन समितिको बैठकले गरेका १४ निर्णयहरु
यो बारेमा तपाईको प्रतिकृया