रामेछाप –रामेछाप जिल्लामा थप ६ जना कोरोना संक्रमित ब्यक्तिहरु थपिएका छन् । यस अघि जिल्लामा संक्रमित हुनेहरुको संख्या ३३ पुगेर उनीहरु निको भैसकेको भएपनि उक्त संख्या सहित जिल्लामा संक्रमित हुनेहरुको संख्या ३९ पुगेको छ ।
बिहिबार प्राप्त रिपोर्टमा रामेछाप जिल्ला घर भएका काठमाण्डौका २ जना र रामेछाप नगरपालिकाका स्वस्थ्यकर्मी १ जना नगरापालिकाका ३ जना सहित ६ जना थप संक्रमित भएका हुन् ।
जिल्ला स्वास्थ्य कार्यालय रामेछापका अनुसार संक्रमित पुष्टि हुनेहरुमा रामेछाप नगरपालिकाको क्वारेन्टीनमा रहेका मध्येका ३ जना, रामेछाप नगरपालिका रामपुरका स्वास्थ्यकर्मी १ जना र बाँकी २ जना रामेछाप जिल्ला घर भइ काठमाण्डौमा पि सि आर गरेका ब्यक्तिहरु मध्ये रहेका छन् । संक्रमित हुनेहरुमा १ महिला र ५ पुरुष रहेको जनाइएको छ ।
उनीहरुको प्रतिबेदन आउनु अघि बिहिबार नै जिल्ला संकट ब्यवस्थापन समितिको बैठकमा जिल्ला स्वास्थ्य कार्यालय रामेछापकि प्रमुख बिद्या खनालले हाल सम्म जिल्लामा संक्रमित भएका ३३ जना मध्ये सबै निको भएर घर फर्किसकेको बताउनु भएको थियो ।
प्रमुख जिल्ला अधिकारी एबं जिल्ला संकट ब्यवस्थापन केन्द्रकी अध्यक्ष रुद्रादेवी शर्माको अध्यक्षतामा बसेको उक्त बैठकले कोभिड–१९ को रोकथाम तथा नियन्त्रण सम्बन्धमा हाल सम्म ८सय ८२ जनाको आर डि टि परिक्षण र १ हजार १ सय २५ जनाको पि सि आर परिक्षण गरिएको मध्ये १ हजार १२ जनाको रिपोर्ट नेगेटिभ आएको,३३ जना पोजेटिभ रिपोर्ट सहित कोरोना संक्रमणको पुष्टि भएकाब्यक्तिहरु निको भएको,८० जनाको रिपोर्ट आउन बाँकी रहेको र १६ जना क्वारेन्टीनमा रहेको समिक्षा गरेको थियो ।
यो बारेमा तपाईको प्रतिकृया