कोभिड विरुद्धको खोप लगाउन सुरु

रामेछाप १४ माघ । देशभर एक साथ कोभिडको भ्याक्सिन लगाउने क्रममा आज जिल्ला अस्पताल रामेछापमा पनि कोभिड बिरुद्धको भ्याक्सिन लगाउन शुरु गरिएको छ ।
जिल्ला कार्यालय रामेछापका नि कार्यालय प्रमुख जितेन्द्र कुमार कर्ण लाई खोप लगाएर औपचारिक रुपमा खोपको सुरुवात गरिएको हो ।
विहिवार १७ जना महिला र २२ जना पुरुष सहित ३९ जना स्वाथ्य कर्मीहरुलाई खोप लगाइएको नि प्रमुख कर्णले बताउनु भयो ।
उहाले यो खोपको का वारेमा धेरै नकरात्मक टिप्पणी आइरहेकाले त्यस्तो टिप्पणी नगर्न सवैलाई आग्रह गनुभएको छ ।
रामेछापमा पहिलो चरणमा कोरोना बिरुद्धको खोप १ हजार ४ सय ७७ जना लाई लगाइने छ । निःशुल्क रुपमा लगाइने यो खोप सेवा यहि माघ १६ गते सम्म दोरम्वा, खाडादेवी रसुनापति गाँउपालिका र माघ २० गते देखि २२ गते सम्म उमाकुण्ड, गोकुलगंगा र लिखु तामाकोशी गाँउपालिकाका स्थास्थ्य कर्मी महिला स्वास्थ्य स्वंयमसेविका र अन्य लक्षितवर्गलाई जिल्ला अस्पताल रामेछाप बाट प्रवाह गरीने पनि उहाले वताउनु भयो ।
त्यसैगरी प्रमुख जिल्ला अधिकारी अर्जुन शर्मा गुरागाँईको अध्यक्षतामा वसेको बैठकका सहभागिहरुले खोप केन्द्र सम्भव भएसम्म पालिका पालिकामा कायम गरिनुपर्ने माग राखेका थिए । सिमित स्रोत र साधनका कारण पालिका स्तरमा तत्काल नसकिने भन्दै हाल लाई जिल्ला स्वास्थ्य कार्यालय मात्र तोकिएको र केहि समय भित्र मन्थलीमा पनि केन्द्र कायम गर्न प्रयास गरिने प्रमुख कर्णले जानकारी दिनुभयो ।
यो खोप पहिलो चरणमा स्वास्थ्यकर्मी, खोप केन्द्रमा खटिने सुरक्षाकर्मी,स्वंयम सेवक, फोहोर मैला व्यवस्थापनमा खटिने व्यक्तिहरू, स्वास्थ्य स्वंयसेविका, बृद्धाश्रमका व्यक्ति र उनीहरुको हेरचाहमा खटिने व्यक्तिहरुलाई दिइने छ ।
देशभर १ सय २० वटा केन्द्रवाट कोरोना विरुद्धको खोप एकै दिन लगाउन शुरुवात गरिएको यो खोप अभियानमा ४ लाख ३० हजार नेपालीलाई खोप लगाइने र खोप अभियान दशदिनसम्म निरन्तर चल्ने स्वस्थ्य मन्त्रालयले जनाएको छ ।