३१ असार, २०७६
मन्थली – मन्थली नगरपालिकाको चालु आर्थिक बर्ष २०७५÷७६का लागि बिनियोजित कुल बजेटको ७९.११ प्रतिशत बजेट मात्र खर्च भएको छ । नगरपालिकाको कुल स्वीकृत बार्षिक बजेट १ अर्ब १७ लाख ९६ हजार मध्ये ९८ करोड ६२ लाख ९ हजार निकासा भइ ७८ करोड, १ लाख ९५ हजार मात्र खर्च हुदा उक्त प्रतिशत मात्र खर्च हुन आएको हो ।
मंगलबार मन्थली नगरपालिकाले चालु आर्थिक वर्षको आन्तिम सम्ममा सम्पादन गरेको विकास निर्माण तथा सार्वजनिक सेवा प्रवाहको बारेमा सार्वजनिक सुनुवाई कार्यक्रम उक्त तथ्याङ्क सार्वजिनक गरिएको हो। सार्वजनिक सुनुवाइ कार्यक्रममा बोल्दै नगर प्रमुख रमेश बस्नेतले चालु आर्थिक बर्षमा २ करोड,५९लाख, ७२ हजार,५३० रुपैया राजस्व वाडफाड, नक्सापास, उद्योग ब्यवसाय दर्ता एबं नबिकरण बाट आन्तरिक आम्दानी रहेको बताउनुभयाे । उहाँले चालु आर्थिक बर्षमा स्वीकृत कुल योजनाको एबं कार्यक्रम संख्या ४८७ का लागि १९ करोड, ३७ लाख, ५७ हजार रमक भुक्तानी भएको बताउनुभयो ।
कार्यक्रमका अबसरमा नगर प्रमुख बस्नेतले भवन निर्माण तर्फ नगरपालिकाको आफ्नै भवनको दोस्रो तलाको काम भैरहेको ५१ वटा नयाँ घरका लागि नक्सा पास गरिएको ३ वटा वडा कार्यालयहरु नक्सा पास भइ निर्माणका लागि सम्झौताको चरणमा रहेको बताउनुभयो । उहाँले खडक खानेपानी एबं पूर्बाधार तर्फ मन्थली स्थीत देवकोटा चोक हुँदै बस पार्क सम्म कालोपत्रे गर्ने काम भइरहेको, मन्थली –चिसापानी –पुरानागउ, मन्थली,चनखु पोखरी डाँडा, मन्थली– गेलु –पोखरीडाँडा जस्ता नगरस्तरीय सडक हरु चौडा पारी स्तरोन्नती गर्ने काम भैरहेको कुरा पनि बताउनुभयो ।
आर्थिक बिकास अन्तर्गत कृषि अन्तर्गत पदेश सरकारको मन्थलीमा शितभण्डार निर्माणको लागि सम्झौता सम्पन्न भएको , २० वटा प्लास्टीक पोखरी निर्माणका लागि आबश्यक १८ वटा मिनिटिलर खरिद भइ मागको आधारमा कृषकलहरुलाई बितरण गर्ने तयारी भैरहेको र १ हजार ३ सय किलो कृषि, चुन खरिद गरी किसानलाई बितरण गरिएको र अमिलो जातका फलुलमा पर्ने किरा नियन्त्रण गर्न किटनासक औषधि खरिद भई बितरण गर्ने तयारी भैरहेको र २० वटा नयाँ कृषक समुह दर्ता भएको पनि बताउनुभयो । उहाँले पशु सेवा अन्तर्गत ४ हजार ३ सय १२ वटा पशुलाइ उपचार सेवा, २ हजार २ सय ६९ गाई भैसीलाई कृतिम गर्भादान १९ हजार ७ सय ११ पशुलाई खोरेत रोग बिरुद्धको निशुल्क भ्याक्सीन र २० हजार भेडा बाख्रालाई पि पि आर खोप लगाइएको पनि जानकारी गराउनुभएको छ ।
उहाँले समाजिक सुरक्षा एबं पञ्जिकरण तर्फ सामाजिक सुरक्षा भत्ता प्राप्त गर्ने ५ हजार २ सय ४२ जनालाई रु ८ करोढ ९३ लाख, ६ हजार निकासा भएको साथै चालु आ ब मा १ हजार १ सय ९५ वटा जन्म दर्ता ३ सय ७० जनाको मृत्यू दर्ता, ५२ जनाको बसाइसराई ५ सय ९४ वटाको बिबाह, र ८ वटा सम्बन्ध बिच्छेद गरी कुल २ हजार ६ सय १९ वटा घट्ना दर्ता भएको बताउनुभयो । कार्यक्रमका अबसरमा सर्बसाधारणले सोधेको प्रश्नको जावाफ नगर प्रमुख बस्नेतले दिनुभएको थियो ।
सो अवसरमा जिल्ला समन्वय समितिका प्रमुख प्रेम बहादुर खड्का, नेपाल पत्रकार महासंघ रामेछापका अध्यक्ष रमेश ढुंगेल लगाएतले बिना योजना खनिएका सडकहरुले बार्षायाममा बिपद निम्त्याउन थालेको भन्दै आगामी दिनमा नगरापालिकाले योजना बनाएर सडक, पूर्बाधार र सामाजिक बिकासको क्षेत्रमा काम गर्न आबश्यक रहेको बताए ।
कार्यक्रममा मन्थली नगरापलिका भित्र रहेका माध्यामिक बिद्यालयहरु बिच उद्यम बिकासमा युवाहरुको भुमिका बिषयक बक्तृत्व कला प्रतियोगितामा प्रथम द्धितिय र तृतिय हुने वालवालिकाहरुलाई पुरस्कार बितरण गरिएको थियो ।
यो बारेमा तपाईको प्रतिकृया