७ साउन, २०७६
मन्थली – मन्थली नगरपालिकाका नगर प्रमुख रमेश कुमार बस्नेतले काम गर्छु भनेर जिम्मा लिँदै बिचमा छोड्दै हिड्ने कार्यालयलाई नगरपालिका प्रवेसमा रोक लगाउने चेतावनी दिनुभएको छ । जिल्ला प्रशासन कार्यालय रामेछापले मंगलबार आयोजना गरेको सार्बजनिक सुनुवाई कार्यक्रममा आफ्नो धाराण राख्दै नगर प्रमुख बस्नेतले डिभिजन सडक कार्यालय खुर्कोटले मन्थली नगर क्षेत्र भित्र काम गर्छु भनेर जिम्मा लिएको तर काम गर्नुको साटो भाग्दै हिडेकाले त्यस्ता कार्यालयलाई नगर भित्रै आउन नदिने चेतावनी दिनुभएको हो ।
सडक डिभिजन कार्यालयले आफूले गर्ने कार्यक्रमका बारेमा अहिले सम्म जानकारी नगराएको पटक पटक समन्वयका लागि अनुरोध गर्दा पनि नटेरेको नगर प्रमुख बस्नेतले बताउनुभयो । उहाँले सडक डिभिजन कार्यालयले काम नगरे नगरपालिकाले गर्ने तर, त्यो सडक हुँदै सडक डिभिजन कार्यालयको गाडी मन्थली आए जनता लगाएर आगो लगाइदिने चेतावनी समेत दिनुभयो ।
उहाँले संघिय सरकार र प्रदेश सरकार अन्तरगतका सबै कार्यालयले नगरपालिका भित्र गर्ने कार्यक्रमको बारेमा पूर्ण जानकारी नगराई काम गर्दा बजेट दाेहोरिने गरेको बताउँदै यस आर्थिक वर्षको सम्पूर्ण कामकाे बारेमा जानकारी गराउन अनुरोध समेत गर्नुभयो ।
यो बारेमा तपाईको प्रतिकृया