ल्याङ–ल्याङ, अपाङ्गता भएका व्यक्तिहरुलाई लक्षित गरी रामेछाप नगरपालिकाले आयोजना गरेको अपाङ्गता परिचय पत्र वितरण घुम्ती सिविरमा मंगलबार रामेछाप–८ ल्याङल्याङका १५ जनाले अपाङ्गता परिचय पत्र लिएका छन् । वडा नम्बर ८ को कार्यालयमा राखिएको घुम्ती सिविरमा उनिहरुलाई परिचयपत्र वितरण गरिएको हो ।
अशक्त व्यक्तिहरुको सहजतालाई ध्यानमा राखेर सिविर संचालन गरिएको घुम्ती सिविरमै रहनुभएका रामेछाप नगरका अधिकृत नारायण सुवेदीले बताउनुभयो । सिविरमा ४५ जना जेष्ठ नागरिकलाई जेष्ठ अपाङ्गता परिचय पत्र पनि वितरण गरिएको छ ।
सिविरमा सहभागी भएका अधिकासं अपाङ्गता भएका व्यक्तिहरुले स्थानीय सरकार आए पछि अपाङ्गता भएका व्यक्तिहरुका लागि आफूहरुले अपेक्षा गरेको जति सहयोग नभएको गुनासो गरेका छन् । पुरानो परिचयपत्र नविकरण गर्न आउनुभएका भक्त बहादुर कसाईले आफूले धेरै पहिला परिचत्र पत्र पाएको तर दिर्घकालिन रुपमा जीविको पार्जनका कार्यक्रम सरकारले नल्याउँदा आफूहरुलाई अझै पनि समस्या भएको बताउनुभयो । उहाँले स्थानीय सरकारले अपाङ्गगता भएका व्यक्तिहरुलाई लक्षित गरी कार्यक्रम ल्याए सामान्य जीवनयापन गर्न सहज हुने बताउनुभयो ।
अपाङ्गता भएका व्यक्तिहरुलाई वडाले जीविको पार्जनमा समेत टेवा पुग्ने गरी कार्यक्रम ल्याउने वडाको तयारी रहेको वडा नम्बर ९ का वडाध्यक्ष चन्द्र बहादुर श्रेष्ठले बताउनुभयो । यसै आर्थिक वर्ष देखि वडामा रहेका अपाङ्गता भएका व्यक्तिलाई समूहगत रुपमा सहभागिता गराउने गरी कार्यक्रम ल्याउने पनि वडाध्यक्ष श्रेष्ठले प्रतिबद्धता जनाउनुभयो । घुम्ती सिविरमा उपप्रमुख सृजना खड्का, सम्बन्धित वडाको वडाध्यक्ष, रामेछाप नगरपालिकाका अधिकृत नारायण सुवेदी, डा. निशान्त भण्डारी, विषयगत शाखाका कर्मचारी लगायतको टोली रहेको छ ।
अपाङ्गता परिचयपत्र वितरणको टोली बुधबार रामपुर जाने योजना रहेको रामेछाप नगरपालिकाका अधिकृत नारायण सुवेदीले जानकारी दिनुभयो ।
यो बारेमा तपाईको प्रतिकृया