रामेछाप, ८ बैशाख । जिल्ला समन्वय समिति रामेछापले यहि चैत्र २७ गते सम्पन्न गरेको पाँचौ जिल्ला सभाका निर्णयहरू सार्वजनिक गरेको छ ।
समितिले बुधवार जिल्ला समन्य समिति रामेछापमा पत्रकार सम्मेलनको आयोजना गरी जिल्ला सभावाट गरेका निर्णयहरूको सार्वजनिक गरेको हो ।
जिल्ला समन्वय समितिका प्रमुख प्रेम वहादुर खड्काले जिल्ला भित्रका रणनितिक रुपले महत्वपुर्ण मानिएका सडक एबं पुलहरूको निर्माणका लागि आबश्यक बजेट,विनियोजनका लागि तीनै तहका सरकार बिच समन्वय गर्ने,कोरोना महामारी रोकथाम,नियन्त्रण र ब्यवस्थापनमा आबश्यक समन्वय र सहकार्यलाई निरन्तरता दिदै समन्वयात्मक कार्यहरु गर्ने निर्णय भएको जानकारी दिनुभयो ।
उहाले नेपाल सरकाले भुमी सम्बन्धी समस्या समाधान गर्न गठन गरेको आयोगलाई स्थानीय तहहरूले प्रभावकारी र आयोगको आबश्यकता अनुसार सक्रिय सहयोग गर्दै अब्यबस्थित बसोबासी, भुमिहीन तथा सुकुम्बासी समस्या समाधान गर्ने र जिल्लामा बढ्दो शहरीकरणसँगै फोहोरमैला ब्यवस्थापन गर्नुपर्ने भएको हुँदा यसको लागि सबै स्थानीय सरकारको सहभागितामा एकल तथा साझा डम्पिङ साइट निर्माण गर्न भुमी विपद ब्यवस्थापनको लागि आबश्यक दमकल संञ्चालन गर्न विशेषज्ञ स्वास्थ्य सेवा जस्ता कार्यक्रमहरू सञ्चालन गर्न, अन्तर स्थानीय तह साझेदारीमा अभिबृद्धि गर्ने निर्णय भएको पनि जानकारी गराउनु भयो ।
त्यसैगरी नेपाल सरकार र प्रदेश सरकारका विषयगत कार्यालयहरू एबं स्थानीय तहहरुविच योजना कार्यक्रममा दोहोरापना हुन नदिन आपसी समन्वय गर्ने र जिल्लका स्थानीय तह, प्रदेश र नेपाल सकारका विषयगत कार्यालयहरू एबं स्थानीय तहहरुविच योजना कार्यक्रममा दोहोरापना हुन नदिन आपसी समन्वय गर्ने र जिल्लाका स्थानीय तह प्रदेश र नेपाल सरकारका विषयगत कार्यालयहरूका योजना कार्यक्रम बिच समन्वय र अनुगमनलाई ब्यवस्थित रुपमा सञ्चालन गर्न आबश्यक निर्देशिका तर्जुमा गरी नियमित र योजनावद्ध रुपमा हुने ब्यवस्था मिलाउने निर्णय भएको पनि उहाले जानकारी गराउनु भयो ।
स्थानीय सरकार ऐन २०७४ बमोजिम समृद्ध रामेछाप निर्माण गर्न तीन ओटै तहका (संघिय, प्रदेश र स्थानीय ) सरकार का महत्वपूर्ण जिम्मेवारी पुरा गर्न जिल्ला समन्वय समिति रामेछाप र जिल्लाका ८ वटै पालिकाका पदाधिकारीहरु विच ब्यपाक छलफल भई जिल्लाको विकास निर्माण र अन्य कार्यका लागि १६ बुँदे साझा प्रतिवद्धता भएको उहाले जानकारी गराउनु भयो ।
सो अवसरमा नेपाल पत्रकार महासंघ रामेछापका नवनिर्वाचित पदाधिकारीहरूलाई बधाइ तथा सफल कार्यकालको शुभकामना ब्यक्त गर्दै प्रमुख खड्काले राम्रा कामहरुलाई प्रचार प्रसार र नराम्रा कामहरुलाई खबरदारी गर्न पनि पत्रकारहरुलाई आग्रह गर्नु भएको थियो ।
यो बारेमा तपाईको प्रतिकृया