रामेछाप २९माघ । पहिलो पटक राष्ट्रपति रनिङ शिल्ड प्रतियोगिताको आयोजना गरेको जिल्लाको लिखु तामाकोशी गाउँपालिकामा सम्पन्न ‘प्रथम पालिका स्तरीय राष्ट्रपति रनिङ शिल्ड’ प्रतियोगिताको उपाधि अरूणोदय मावि सैपुले जितेको छ । खेलमा सहभागि पालिका भित्रका ११ वटा माविलाई उछिन्दै उसले १६ स्वर्ण, ४ रजत र ३ कास्य पदक गरी २३ वटा पदक जित्दै उपाधि जित्न सफल भएको हो । त्यसैगरि उसले पदक सहित नगद पुरस्कार शिल्ड, ट्रफि, मेडल र प्रमाणपत्र समेत प्राप्त गरेको छ ।
पालिका स्तरिय खेलकुद विकास समिति समेत गठन भए संगै खेलकुद गतिविधिका कृयाकलाप आरम्भ गरे संगै संचालन भएको उक्त प्रतियोगितामा तामाकोशी जनजागृति मावि खिम्ती ६ स्वर्ण, ५ रजत, ५ कास्य सहित कूल १६ पदक जित्दै दोस्रो स्थान ओगट्न सफल भएको छ । प्रतियोगिता अन्र्तगत भलिबल, कबडी, तेक्वान्दो, एथलेटिक्स लगायतका विभिन्न विधाका खेल भएको पालिका शिक्षा तथा खेलकुद शाखाले जनाएको छ । प्रतियोगितामा पालिका भित्रका १२ माद्यामिक विद्यालयका छ सय भन्दा बढी विद्यार्थीको उपस्थिति रहेको थियो ।
त्यसैगरि प्रतियोगितामा क्रमशः नगद एक हजार र पाँच सय रुपैयाँ पुरस्कार ुसहित मावि ज्यामिरे खानि खिम्तीले ४ स्वर्ण, १ कास्य, चण्डेश्वर माविले २ स्वर्ण, २ रजत र ७ कास्य, सहिद स्मृति मावि सैपुले २ स्वर्ण, ६ रजत, १ कास्य पदक जित्नुका साथै , भिङ्गेश्व मावि धारापानीले १ स्वर्ण पदक जित्न सफल भएका छन् ।
विजयी विद्यालय खेलाडी र सहभागि विद्यालयहरुलाई बागमती प्रदेशका सांसद तारानारणय श्रेष्ठ र गाउँपालिका अध्यक्ष केशव महतले संयुक्त रूपमा पुरस्कार, शिल्ड, ट्रफि, मेडल र प्रमाणपत्र वितरण गर्नु भएको थियो । तीन दिन सम्म चलेको उक्त प्रतियोगिताको उद्घाटन राष्ट्रिय खेलकुद परिषद्का सदस्य सचिव टंकलाल घिसिङ्ले एक समारोहका विच गरेका थिए ।
यो बारेमा तपाईको प्रतिकृया