रामेछाप, ७ चैत । मन्थली बजारमा व्यवसाय गर्दै आएकी ३० वर्षीय अनु श्रेष्ठले झुन्डिएर आत्महत्या गरेकी छन् ।
मन्थली नगरपालिका ९ पुरानागाँऊ घर भई मन्थली बजारमा ब्यवसाय गर्दै आएकी ३० वर्षीय अनु श्रेष्ठले आज दिउँसो झुन्डिएर आत्महत्या गरेकी हुन् । श्रेष्ठ मन्थलीको कटहरको बोट नजिकै चटपटे लगाएतकाे सामान्य पसल गर्दै आएकी थिईन भने उनका श्रीमान ठेक्का पट्टा गर्दै अाईरहेका छन् ।
‘मंगलबार बिहान बच्चाहरू स्कुलमा पु¥याएर फर्किएकि अनु खाना खान भान्सा कोठामा पसेकि र निकैबेर सम्म नफर्किएपछि श्रीमान हेर्न जाँदा उनलाई श्रीमानले भान्सा कोठाको सिलिङमा तन्नाको पासो लगाएर झुण्डिएको अबस्थामा फेला परेको जिल्ला प्रहरी कार्यालयका सूचना अधिकारी राजु प्रसाद ढकालले जानकारी दिए ।
एक छोरा र एक छोरीकि आमा अनु बुधवार देखि शुरु हुने वार्षिक परीक्षामा बच्चाहरुका लागि स्कुलमा पुगेर फि बुझाएर फर्किएर खाना खान भान्सामा पसेकि थिईन् । श्रीमान आफैले झुन्डिएको अवस्थामा भेटिएकी अनुको शवलाई प्रहरी र श्रीमान् सहितको रोहबरमा पोस्ट मार्टमको लागि मन्थली अस्पतालमा पठाईएको छ । उनका माईतिपक्षले पर्खन भनेकोले लासको पोष्ट मार्टम भने भोलि मात्र हुने पनि सूचना अधिकारी ढकालले जानकारी गराए ।
मृतकलाई छोपुवा वेथा भएको र बेला बेलामा छोपिरहने भएका कारण परिवारले बुधवार उपचारको लागि काठमाडौ लैजाने तयारी गरेको र रोगकै कारण उनले आत्माहत्या गरेको हुन सक्ने अनुमान पनि प्रहरीले गरेको छ । प्रारम्भिक अनुसन्धानमा बिरामी बाहेक अन्य कुनै पारीवारीक कारण नभेटिएको र वाँकि कुरा थप अनुसन्धान पछि खुल्ने पनि सूचना अधिकारी ढकालले जानकारी दिए ।
यो बारेमा तपाईको प्रतिकृया