रामेछापबाट एसइई परीक्षामा ३ हजार बढी विद्यार्थी सहभागी हुँदै

रामेछाप १० चैत ।आगामि चैत १७ देखि २९ गते सम्म सञ्चालन हुनलागेको एसइई परिक्षामा रामेछाप जिल्लाबाट ३ हजार बढी विद्यार्थी सहभागी हुने भएका छन् । जिल्ला भरिका कुल ९६ वटा माध्यमिक विद्यालयबाट गरि कुल ३ हजार २सय ३१ जना विद्यार्थी सहभागी हुन लागेका हुन् ।
जिल्लाका दुई नगरपालिका र ६ वटा गाउँपालिका गरी ८ वटा विद्यालयले यस बर्ष एसईई परिक्षामा सामेल हुने शिक्षा विकाश तथा समन्वय इकाई रामेछापले जनाएको छ । यो वर्ष सबै भन्दा बढी मन्थली नगरपालिकाको २२ वटा माविबाट ८सय ६ र सबै भन्दा कम सुनापति गाउँपालिकाको १२ वटा माविबाट २७० जना र उमाकुण्ड गाउँपालिकाको ७ वटा माविबाट २ सय ७० जना विद्यार्थीले एसइई परीक्षामा सहभागिता जनाउने शिक्षा विकास तथा समन्वय ईकाई रामेछापका प्रमुख भरत भट्टराईले बताउनुभयो ।
यसैगरी रामेछाप नगरपालिकाबाट १३ वटा माविमा अध्ययनरत ४ सय ८८ जना, गोकुलगङ्गा गाउँपालिकाको ७ वटा माविमा अध्ययनरत ४सय ८ जना, लिखुतामाकोशी गाउँपालिकाको १२ वटा माविमा अध्ययनरत ४ सय १६ जना विद्यार्थीले एसइई परीक्षा दिँदै छन् । त्यसैगरी जिल्लाको दोरम्बा सैलुङ गाउँपालिकामा रहेको ९ वटा माविमा अध्ययनरत २ सय ९९ जना र खाँडादेवी गाउँपालिकाको १३ वटा माविमा अध्ययनरत ३ सय ५३ जना विद्यार्थी एसइई परीक्षामा सहभागी हुँदै छन् । एसईईमा सामुदायिक बाहेक कुल ३ वटा संस्थागत विद्यालयले पनि सहभागिता जनाउने पनि कार्यालयले जनाएको छ ।