कोरोना रोकथाममा प्रशासनको सक्रियता

रामेछाप ९ वैशाख । पछिल्लो समयमा देशभर कारोना संक्रमण बढिरहेको बेला त्यसको न्युनिकरणकालगि जिल्ला प्रशासन कार्यालय रामेछापले सक्रियता देखाएको छ ।देश भर मात्र नभएर जिल्लामा पनि दैनिक रूपमा कोरोना बढ्न लागि पछि सुरक्षाका उपाय अपनाउनका लागि जिल्ला प्रशासन कार्यालयले त्यस तर्फ सक्रियता देखाएको हो ।
निमित्त प्रमुख जिल्ला अधिकारी अनोज घिमिरेको अध्यक्षतामा बसेको जिल्ला कोभिड व्यवस्थापन केन्द्रको बैठकले यसको न्युनिकरण र रोकथामका लागि यस्तो चासो सहितको निर्णय गरेको हो । विश्वव्यापी महामारीको रूपमा फैलिरहेको कोरोना संक्रमण रोकथाम र त्यसको न्युनिकरणमा लाग्नु हामि सबैको दायित्व भएको भन्दै त्यसलाई प्राथमिकताका आधारमा आम रामेछापबासि हरुलाई स्वास्थ्य मापदण्ड पालना गर्न पनि आग्रह गरेको छ । कोरोनाको संक्रमण रोकथाम, नियन्त्रणमा थप सतर्कता अपनाई नागरिकको जीवनको सुरक्षा गर्नका लागि प्रशासनले आग्रह गरेको छ ।
बैठकले सार्वजनिक सवारी साधन तथा बढी भिडभाड हुने स्थानहरूमा मास्क तथा स्यानिटाईजको प्रयोग लगायत स्वास्थ्य प्रोटोकल सबैले पालना गर्ने, स्वास्थ्य कार्यालयले सचेतनामूलक कार्यक्रम सञ्चालन गरी सतर्कता अपनाउने, करोनासँग मिल्दोजुल्दो लक्षण देखिएका बिरामीहरूको परीक्षण गर्ने आवश्यक व्यवस्था मिलाउनका लागि स्वास्थ्य कार्यालय र जिल्ला अस्पताल रामेछापलाई अनुरोध गर्ने निर्णय पनि गरेको छ ।
त्यसैगरि त्यसको न्युनिकरणका लागि परीक्षणको दायरा बढाउनका लागि सबै स्थानीय तहसँग अनुरोध गर्नुका साथै स्वास्थ्य कार्यालय र स्थानीय तहबिचको समन्वयमा आइसोलेसन बेडहरूलाई दुरुस्त अवस्थामा राख्ने र त्यसको जानकारी जिल्ला प्रशासन कार्यालयमा गराउने सबै स्थानीय तहले आवश्यक स्वास्थ्य प्रोटोकल पालना गर्न÷गराउन तथा सन्देशमूलक प्रचार सामग्रीहरू प्रचारप्रसार गर्न निर्णय गरेको छ । त्यसैगरि बुस्टर डोज लगाउन छुटेका खोप लगाउन अवधि पुगेका ५५ वर्ष माथिका नागरिकहरूलाई वैशाख १३ र १४ गते बुस्टर डोज खोप उपलब्ध गराउने पनि निर्णय गरेको छ । साथै उक्त प्रयोजनका लागि सबै सरोकारवाला निकायलाई पनि साथ दिन जिल्ला कोभिड व्यवस्थापन केन्द्रको बैठकले आग्रह गरेको छ ।