रामेछाप ८ असार । मन्थलीमा एक हप्ता सम्म सञ्चालन गरिएको नवौँ अन्तर्राष्ट्रिय योग दिवसलाई आज विधिवत् समापन गरिएको छ । एक हप्ता अघि नवौँ अन्तर्राष्ट्रिय योग दिवसका दिन जिल्ला आर्युवेदीक कार्यालयको हलमा आरम्भ गरिएको उक्त योग शिविरको समापन जीवन विकाश विशेषज्ञ जीवन विकास विशेषज्ञ एलपी भानु शर्मा प्रवचन र योगाभ्यास बाट गरिएको हो ।
सो अवसरमा एलपी भानु शर्माले जीवनलाई ऊर्जा र ध्यानमा जोड्नका लागि शिविरले सार्थकता पाउने दाबी गर्दे मानव जीवनको सकारात्मक परिवर्तनका लागि पनि ऊर्जा योग र ध्यान आवश्यक पर्ने बताउनु भयो । उहाँले नित्य बिहानी सँगै गरिने योग र ध्यानबाट ऊर्जा प्राप्त हुने भएकोले यसको व्यक्तिगत र संस्थागत विकासमा ध्यान दिन सबैलाई आग्रह गर्नु भयो ।
योग शिविरले हरेक व्यक्तिलाई योग र प्राणायाममा जोड्दै आरोग्ययता र भाइचाराको सम्बन्ध मार्फत समुन्नत समाजको निर्माणमा सहयोग पुर्याउने भएकोले पनि योग र प्राणायामलाई मानव जीवनका मुख्य कडीका रूपमा बुझ्न पनि उहाँले आफ्नो प्रवचनका क्रममा बताउनु भयो । उहाँले नियमित गरिने ऊर्जा र ध्यानले मानिसलाई अस्पताल धाएर औषधि सेवन गर्नु पर्ने समस्या बाट मुक्ति दिलाउने दाबी गर्दे यसको महत्वलाई बुझ पनि सबैलाई आग्रह गर्नु भयो ।
शिविर समापनको प्रमुख आतिथ्यता बागमती प्रदेशका सांसद आनन्द श्रेष्ठले गर्नु भएको थियो । सो क्रममा उहाँले मानव जीवनलाई जीवन विज्ञान र आध्यात्मिक विज्ञान सँग जोड्न सके समृद्ध समाजको परिकल्पनाले सार्थकता पाउने बताउनु भएको थियो । त्यसका लागि सबैले आफूबाटै अभियानको सुरुवात गर्न पनि सांसद श्रेष्ठले आग्रह गर्नु भयो ।
जिल्ला स्तरीय मूल समारोह समितिकी संयोजक एवं प्रमुख जिल्ला अधिकारी अनिता निरौलाले अध्यक्षतामा कार्यक्रम समापन्न भएको थियो । सो अवसरमा प्रजिअ निरौलाले ऊर्जा र ध्यानको सहि प्रयोग र त्यसको निरन्तरताका लागि सबैको ध्यान जानु पर्ने बताउनु भयो । कार्यक्रमा मन्थली र रामेछापका नगर प्रमुख हरूले पनि योग अभ्यासको फाइदा र महत्वका बारेमा चर्चा गर्नु भएको थियो ।
सप्ताह व्यापी कार्यक्रमको आयोजना जिल्ला प्रशासन कार्यालय रामेछाप,मन्थली नगरपालिका,जिल्ला आयुर्वेद स्वास्थ्य केन्द्र मन्थली, व्रम्हाकुमारी राज योग सेवा केन्द्र,पतन्जली योग समिति रामेछाप जिवन विज्ञान समितिको संयुक्त आयोजनामा भएको थियो ।
सप्ताह व्यापी अभियानको समापन भएपनि उक्त हलमा विहान ४ बजेर ३० मीनेट देखि दैनिक रूपमा गरिने योग ध्यान र प्राणायाममा सबैलाई सहभागि भएर भरपुर फाईदा लिन पनि अभियानका अगुवा एवं योग प्रशिक्षक जगन्नाथ दाहालले सबैलाई आग्रह गर्नु भयो ।
यो बारेमा तपाईको प्रतिकृया