रामेछाप १६ साउन । रामेछाप जिल्लामा १८ प्रतिशत खेतमा मात्रै धान रोपाइँ भएको छ । असारको १५ पुरा भई सक्दा यो वर्ष रामेछाप जिल्लामा १८ प्रतिशत खेतमा मात्रै धान रोपाइँ सम्पन्न भएको सरकारी तथ्याङ्क रहेको छ ।
रामेछाप,मन्थली लगायत गोकुल गङ्गा, उमा कुण्ड, र दोरम्बा सैलुङ गाउँपालिका लगायतका क्षेत्रको तथ्याङ्कका आधारमा जम्मा १८ प्रतिशत खेतमा मात्रै धान रोपाइँ भएको कृषि ज्ञान केन्द्र रामेछापले जनाएको छ । रामेछाप जिल्लाका सबै गाउँपालिकामा गरी कुल ७ हजार ८ सय ५९ हेक्टर खेतमा धान रोपाइँ हुँदै आएको भए पनि धानको उत्पादन भने पछिल्ला बर्सहरूमा अरू घट्दै गएको छ ।
हरेक वर्ष हुने गरेको न्यून बर्साद र खानेपानीको मुहान सुक्दै गएका कारण जिल्लाका अधिकांश ठाउँहरूमा अहिले पनि आकाशे पानीको भरमा धान रोपाइँ हुँदै आएको छ । जसका कारण यस वर्ष पनि धान रोपाई मा गिरावट आउन सक्ने सम्भावना बढेर गएको पनि केन्द्रले जनाएको छ ।
गत वर्ष सम्म यस बेला सम्म ७ हजार ८ सय ५९ हेक्टर खेतमा धान रोपाई भएको थियो भने बर्सादका नभएका कारण यस वर्ष धानको रोपाई मा गिरावट आएको हो ।
कृषि ज्ञान केन्द्रका अनुसार आज सम्ममा गोकुल गङ्गा, उमा कुण्ड, दोरम्बा सैलुङ गाउँपालिकाका एक हजार ४ सय १४ दशमलव ६२ हेक्टर खेतमा रोपाइँ भइसकेको छ ।
यो बारेमा तपाईको प्रतिकृया