रामेछाप १६ असार । १सय १ औ अन्तर्राष्ट्रिय सहकारी दिवस आज सदरमुकाम मन्थलीमा मनाइयो । जिल्ला सहकारी सङ्घ रामेछापको आयोजनामा आफ नै सभा हलमा गरिएको उक्त कार्यक्रममा जिल्लाका विभिन्न सहकारी संस्थाका प्रतिनिधि र सहकारी अगुवाहरूको समेत सहभागिता रहेको थियो ।
सङ्घका जिल्ला अध्यक्ष हिमाल ढुङ्गेलको अध्यक्षतामा भएको उक्त कार्यक्रममा जिल्ला बचत सङ्घका अध्यक्ष जगन्नाथ दाहाल,पूर्व अध्यक्ष गोविन्द घिमिरे नेपाल पत्रकार महासङ्घका अध्यक्ष बद्री नयाँघरे,जिल्ला सहकारी सङ्घका उपाध्यक्ष श्याम थापा लगायतका वक्ताहरूले र सहकारी दिवसको महत्वका बारेमा प्रकाश पारेका थिए ।
पछिल्ला दिनहरूमा देशमा परेको आर्थिक सङ्कटको प्रत्यक्ष असर सहकारीहरूमा पनि परेको भन्दै यसबाट जोगिनका लागि सबै सहकारीहरूको सहकार्य जरुरी रहेको धारणा पनि राखेका थिए । उक्त कार्यक्रमको सञ्चालन संस्थाका सचिव नवीन के सी र सहभागीहरूलाई स्वागत उपाध्यक्ष श्याम थापाले गरेका थिए ।
यो बारेमा तपाईको प्रतिकृया