रामेछाप २१ असार । नेपाल सुनचाँदी कला व्यवसायी सङ्घ जिल्ला समिति रामेछापका अध्यक्ष कृष्ण गहतराजको निधन भएको छ । लामो समयदेखि मन्थलीमा रहेर व्यवसाय गर्दे आएका ४८ वर्षीय अध्यक्ष गहतराजको बिहीबार बिहान मन्थली स्थित आफ्नो निवासमा हृदय घातका कारण निधन भएको हो ।
बिहान मर्नसङ वाक सकेर घरमा पुगेका अध्यक्ष गहतराजलाई एक्कासि छातीमा समस्या देखिएपछि उनलाई उपचारका लागि तत्काल तामाकोसी अस्पताल मन्थलीमा लगिएको थियो । अस्पताल पु¥याउन साथ उनलाई चिकित्सकले मृत घोषणा गरेका थिए । अध्यक्ष गहतराजको हृदय घातका कारण निधन भएको चिकित्सकले जनाएका छन् ।
पुर्खौली घर काठमाडौँमा रहेका उनी दुई दशकदेखि मन्थलीमै रहेर ब्ववसाय गर्दै आएका थिए । असल र सहयोगी व्यक्तिका रूपमा मन्थलीमा आफ्नो छुट्टै पहिचान बनाएका गहत राजले श्रीकृष्ण सुनचाँदी पसल सञ्चालन गर्दै आएका थिए । उनी भर्खरै नेपाल सुनचाँदी कला व्यवसायी सङ्घको केन्द्रीय सदस्य समेत बनेका थिए ।्
परिवारका अन्य सदस्य काठमाडौँमा भएको कारण उनको सबलाई अन्तिम दाह संस्कारका लागि काठमाडौँ लगिएको छ । बुधवार मात्रै काठमाडौँबाट मन्थली फर्किएका उनको अल्प आयु मानै निधन भएपछि सदरमुकाम मन्थली बजार शोकमा डुबेको छ ।
यो बारेमा तपाईको प्रतिकृया