रामेछाप २३ असार । मन्थली नगरपालिकाले शनिवार सदरमुकाम मन्थलीका पसलमा अनुगमन गर्दा अधिकांश पसलहरूमा सुधार भएको पाइएको छ । शनिवार मन्थली बजारका २७ वटा मासु पसलमा पशु चिकित्सक सहितका सरोकारवाला हरू समेत रहेको टोलीले गरेको छड्के अनुगमन पछि ती पसलहरूमा सुधार भएको पाइएको हो ।
मन्थली नगर पालिकाकी उप – प्रमुख ईश्वरी बस्नेतको नेतृत्वमा गरिएको छड्के अनुगमनका लागि छुट्टै रूपमा दुई वटा टोली खटिएको थियो । टोलीले सोलमारी देखि गाइखुरा सम्मका मासु पसलमा अनुमान गरेको थियो । अनुगमनका क्रममा ४ वटा मासु पसल बन्द थिए । अनुगमन गरिएका २७ मध्य एक वटाको नवीकरण नभएको ,४ वटा दर्ता नभई सञ्चालन गरेको पाइएकोले उनीहरूलाई तत्काल दर्ता गर्नका लागि पनि अनुगमन समितिले अनुरोध गरेको थियो ।
२७ वटा मासु पसलका आकस्मिक अनुगमन गर्दा दुई वटामा भने पर्याप्त सर सफाइ नभएको पाइएको थियो भने अरू सबैजसोले सरकारी मापदण्ड भित्रै रहेर सरसफाइ गरिएको अनुगमन समितिका सदस्य एवं मन्थली नगरपालिकाका स्वास्थ्य शाखा प्रमुख कुन्द खड्काले जानकारी दिनु भयो । टोलीमा जिल्ला प्रशासन ,नेपाल पत्रकार महासङ्घ,घरेलु तथा साना उद्योग विकास समिति,प्रहरी समेत सबै सरोकारवालाहरूको सहभागिता रहेको पनि शाखा प्रमुख खड्काले बताउनु भयो ।
अनुगमनका क्रममा विगतको तुलनामा मासु पसलहरूमा धेरै सुधार भएको पाइएको मन्थली नगर कि उप प्रमुख ईश्वरी बस्नेतले बताउनु भयो । यस अघि पनि म आफै अनुगमनमा गएको थिएँ । तर मासु पसलहरू अव्यवस्थित अवस्थामा सञ्चालन भएका थिए । अहिलेको अनुगमनमा भने त्यस्तो नभई धेरै मासु पसले हरूले आफ्नो व्यवसायमा सुधार गरेको पाइएको पनि उप प्रमुख बस्नेतले बताउनु भयो ।
यो बारेमा तपाईको प्रतिकृया