रामेछाप २० साउन । नेपाल कम्युनिष्ट पार्टी एकीकृत समाजवादी (एस) निकट प्रेस संगठन रामेछापको प्रथम जिल्ला भेलाले जिल्ला अध्यक्षमा कैलाश खत्रीलाई चयन गरेको छ । शनिबार मन्थलीमा सम्पन्न जिल्ला भेलाले खत्रीको अध्यक्षतामा पदाधिकारी सहित ७ सदसीय जिल्ला कमिटी गठन गरेको हो ।
भेलाले संगठनको उपाध्यक्षमा चन्द्र बुढाथोकी, सचिवमा सौरभ श्रेष्ठ, कोषाध्यक्षमा चाहना प्रधानले जिम्मेवारी पाएकी छन्,भने सदस्यहरुमा क्रमशः सुजिता केसी, भवानी खड्का र सलिशा कार्की रहनु भएको छ । कार्यक्रममा बोल्दै नवनिर्वाचित अध्यक्ष खत्रीले कमिटीको बैठक बसेर कार्य योजना तयार पार्ने र सोही अनुसार संगठन विस्तारको अभियानमा आफु लागि पर्नै बताउनु भयो । उहाँले संगठनले जिल्लामा चाँडै पत्रकारीता सम्बन्धि तालिम संचालन गर्ने जानकारी पनि गराउनु भयो ।
एकिकृत समाजवादी पार्टीका पोलिटब्युरो सदस्य एवं जिल्ला इन्चार्ज देवशंकर पौडेलको प्रमुख आतिथ्यतामा उक्त कार्यक्रम सम्पन्न भएको थियो । भेलाको उद्घाटन गर्दे प्रमुख अतिथी पौडेलले समाजवादको स्थापनाका लागि समाजवादी प्रेसको भूमिका महत्वपुर्ण हुने भन्दै सोहि मार्गमा कलम चलाउनका लागि पनि सबैलाई आग्रह गर्नु भयो । भेलामा समाजवादी पार्टिक केन्द्रिय सदस्य द्धय झम्क कडेल र शान्ता पौडेल सापकोटा र समाजवादी प्रेस संगठनको केन्द्रीय उपाध्यक्ष ध्रुव राय माझी, नेपाल पत्रकार महासंघ रामेछापका अध्यक्ष बद्री नयाँघरे, पूर्व अध्यक्ष हिमाल ढुङगेल, नेपाल प्रेस युनियन रामेछापका अध्यक्ष अप्रिल अधिकारी, प्रेस चौतारी रामेछापका अध्यक्ष नवराज श्रेष्ठ, राष्ट्रिय फोटो पत्रकार समूह रामेछापका अध्यक्ष मिलन विक,समाजवादी प्रेस संगठन काभ्रे शाखाका जिल्ला अध्यक्ष सन्तोष चौलागाई लगाएतका बक्ताहरुले भेला सफलताको शुभकामना दिनु भएको थियो ।
यो बारेमा तपाईको प्रतिकृया