रामेछाप,२२ साउन । रामेछापका बजारहरूमा चामलको मूल्यमा अत्यधिक रूपमा वृद्धि भएको लामो समय बितिसक्दा पनि जिल्लाको नियामक निकाय बेखबर छ । भारत सरकारले चामल निर्यातमा रोक लगाए सँगै हौसिएका व्यापारी हरुले मनलाग्दी ढङ्गले चामलको मूल्य बढाउँदा पनि जिल्ला प्रशासन कार्यालय बेखबर देखिएको हो ।
यो या त्यो बहानामा व्यापारीहरूले चामलको मात्र नभएर अन्य बस्तुहरू पनि नपत्याउँदो तरिकाले मूल्य वृद्धि गरेको गुनासो उपभोक्ताहरूले गरेका छन् । व्यापारीहरूले मनलाग्दी ढङ्गले बढल मूल्यमा चामल सँगै दाल, तेल,गेडागुडी लगायतका दैनिक उपभोग्य सामानमा बिक्री गर्नै गरेको रामेछाप नगरपालिका ८ कि उपभोक्ता गीता विकले गुनासो गर्नु भयो । मैले एक महिना अघि प्रतिबोरा १ हजार ८ सयमा लगेको चामल एक महिना पछि प्रतिबोरा २ हजार १ सय रुपैयाँमा खरिद गर्न बाध्य भएको पनि उहाँको भनाई रहेको छ । तर पनि प्रशासन कार्यालय लगायत जिल्लाको सरोकारवाला पक्षले चासो नदेखाउनु दुःखद कुरा भएको उहाँको गुनासो छ ।
यो खालको गुनासो अहिले अधिकांश उपभोक्ताहरूले गर्ने गरेका छन् । बजारमा भएको मूल्य वृद्धि र जिल्लाको सबै बजार केन्द्रहरूमा झाँगिएको छ । बजारमा चामलको मूल्य हजार थरी चलेको छ ।चामल पसलै पिच्छे फरक फरक मूल्यमा बिक्री भइरहेको छ ।
बजारमा चामल लगायतको खाद्यान्नको मूल्य वृद्धिको गुनासाका सम्बन्धमा रामेछाप उद्योग वाणिज्य सङ्घका सचिव यज्ञ सुवेदी सँग जानकारी लिन खोज्दा उहाँले अहिले बाहिर चर्चामा आए अनुसारको मूल्य वृद्धि नभकोको बताउनु भयो । यस बारेमा उद्योग वाणिज्य सङ्घ आफूले पनि निरन्तर अनुगमन गरी रहेको र चामलको मिलवालाहरुलेनै मूल्य बढाएर पठाएकोले उपभोक्ताहरूले गुनासो गर्नु भएको हुन सक्छ । तर ब्यपारीहरुबाट भने त्यसरी मूल्य नबढाएको पनि सचिव सुवेदीको दावि रहेको छ ।
बजारमा भएको मूल्य वृद्धि र उपभोक्ताहरुलाई परेको समस्याको बारेमा प्रमुख जिल्ला अधिकारी अनिता निरौला सँग सम्पर्क गर्दा उहाँले– अहिले बजारमा व्यापारीहरूले चामल लगायत अन्य खाद्यान्न सामाग्रीमा पनि मूल्य बढाएको भन्ने गुनासो प्रशस्तै आएको र यस विषयमा गृह मन्त्रालय बाट पनि नियमनको लागि निर्देशन आएकोले यस विषयमा आफूले सरोकारवाला हरू सँग बसेर तत्काल निर्णय लिन बताउनु भयो ।
जिल्ला भरिबाट गुनासो आएको भएपनि आफू विदामा बसेको र सहायक प्रजिअ पनि भर्खरै आउनु भएकोले अनुगमन गर्न र बजारको अवस्था आङ्कलन गर्न केही ढिलाइ भएको हो । आफू पनि आज मात्र काठमाडौँबाट आएकोले बजारको अवस्था र अनुगमनलाई पहिलो प्राथमिकतामा राखेर काम गर्ने कुरामा आफूले कत्ति पनि ढिलाइ नगर्नै जानकारी दिनु भयो । देशमै मूल्यवृद्धि भयो भने त्यो चामल जिल्लामा आउँदा हाम्रो बजारमा त्यसको असर पर्ला नै । तर भएको मौज्दातमा मूल्यवृद्धि गर्नुपर्ने कारण छैन । व्यवसायीहरूले पनि पुरानो मौज्दातमा मूल्यवृद्धि हुन दिने छैनौँ र अनुगमनलाई पनि सहजीकरण गर्छौँ भनेर भनेकोले आफूलाई निर्णय लिन पनि समस्या नहुने प्रजिअ निरौलाको भनाई रहेको छ ।
यस बारेमा रामेछाप उद्योग वाणिज्य सङ्घका पदाधिकारी लगायतका सरोकारवाला पक्ष सँग पनि तत्काल समन्वय बैठक बोलाएर बजारमा मूल्य वृद्धिको अवस्थाको बारेमा छलफल र अनुगमनलाई कसरी प्रभावकारी बनाउन सकिन्छ भनेर सबै अनुगमनकारी निकायहरू एकै ठाउँमा बसेर निर्णयमा पुग्ने पनि प्रजिअले बताउनु भयो ।
यो बारेमा तपाईको प्रतिकृया