रामेछाप २८ साउन । पार्टीले सञ्चालन गरेको ‘आन्तिरीक विशेष अभियान’ सकिएको छ । तीन ठाउँको बैठकमा भएको छलफलका आधारमा उनीहरूले अभियान सफल भएको दाबी गरेका हुन् ।
जिल्लाका अगुवा नेताहरूले गरेका छन् । उनीहरूले अभियान अन्तर्गत तीन चरणको बैठक र कार्यकर्ताहरू सँग भएको छलफलका आधारमा अभियान सफल भएको दाबी कार्यकर्तारुले गरेका हुन्।
नेपाली काँग्रेस रामेछापले केन्द्रीय कार्य समितिको निर्णय अनुसार देशभरका सबै प्रदेशमा पुगेर कार्यकर्ता भेटघाट र अन्तरक्रिया गरेर व्याप्त समस्या समाधानका उपचार विधि पहिलाउने उद्देश्यले जिल्लाका
र मन्थलीमा समेत गरि ३ ठाउँमा बैठक सञ्चालन गरेको हो ।तीन वटै कार्यक्रममा केन्द्रीय प्रतिनिधि एवं पार्टिका केन्दिय सदस्य डा. चन्द्रमोहन यादब सहभागि हुन भएको थियो ।
जस अनुसार काँगेसले शुक्रबार प्रदेश क को खिम्ति बेसीबाट अभियानको आरम्भ गरेको थियो । त्यसैगरि शनिवार प्रदेश ख अन्तर्गत मन्थलीमा र आइतबार पार्टी कार्यालय मन्थलीमा जिल्ला स्तरको कार्यक्रम गरी पार्टीको ‘आन्तरिक विशेष अभियान’ सञ्चालन गरेको छ । अभियानबाट पार्टी भित्र देखिएको आन्तरिक समस्या समाधानका लागि सहयोग पुग्ने विश्वास नेताहरूले लिएका छन् ।
जस अन्तर्गत (क)को लिखु तामाकोसी गाउँपालिकाको खिप्तीमा सभापति निरोज खड्काको सभापतित्वमा र क्षेत्र नं २ (ख) का सभापति राजेशकुमार श्रेष्ठको नेतृत्वमा भएको उक्त कार्यक्रमलाई दुवै प्रदेशका अध्यक्षहरूले पार्टीले सुरु गरेको अभियानले सङ्गठन सुदृढीकरणका लागि भव्य रूपमा सहयोग पुग्ने बताउनु भएको छ ।
अभियानलाई प्रभावकारी बनाउन बैठकमा पालिका देखी वडा कार्यसमितिका जनप्रतिनिधि पार्टीका नेता कार्यकर्ता तथा भातृ संस्था, शुभेच्छुक सङ्घसंस्थाका प्रमुख एव प्रतिनिधिहरू समेतलाई आमन्त्रण गरिएको कांगेस सचिव दीपक खड्काले जानकारी दिनुभयो ।
अभियानले पार्टी भित्रको विविध समस्या र अवस्थाका बारेमा बुझाउन सार्थक निष्कर्ष निकाल्ने प्रदेश क का सभापति निरोज खड्काले बताउनु भयो । उहाँले भन्नु भयो विश्वास छ अभियानले ‘सङ्गठनलाई थप चुस्त दुरुस्त र प्रभावकारी ढङ्गले एकताबद्ध गर्दै अगाडि बढाउन सहयोग पुग्ने छ ।
शुक्रवार र शनिवार छुट्टा–छुटै कार्यक्रमको योजना गरी प्रदेश क्षेत्रीय समितिले पार्टीको आन्तरिक विशेष अभियान सञ्चालन गरेको थियो । तीन वटै कार्यक्रममा नेता तथा कार्यकर्ताहरूले उठाएको कुरालाई केन्द्रीय र प्रदेश प्रतिनिधिहरूले टिपोट गरेको आधारमा जवाफ दिएका थिए ।
कार्यक्रममा बोल्ने अधिकांश नेता तथा कार्यकर्ताले नेताहरूको निजी स्वार्थको कारण पार्टी भित्र गुट उपगुट मौलाएको र त्यो गुटका कारण आगामी निर्वाचन र पार्टीको महाधिवेशनमा समेत असर पर्ने र पार्टी नेतृत्व र सरकारमा गएका मन्त्रिहरेको व्यवहारका कारण कार्यकर्ता र मतदाताहरूमा पनि निराशा छाएको भन्दै पार्टी भित्रको गुटको अन्त्य र त्यसको कुशल व्यवस्थापनका लागि नेतृत्वलाई आग्रह गरेका थिए ।
बैठकमा पार्टीका केन्द्रीय सदस्य डा.चन्द्र मोहन यादव बागमती प्रतिनिधि सानु श्रेष्ठ,प्रदेश कका प्रतिनिधि कुमार दुलाल,बागमती प्रदेश भातृ संस्था समन्वय विभाग प्रमुख प्रज्वल दवाडी ,प्रदेश सदस्य सहितको उपस्थितिमा भएको उक्त विशेष छलफलमा सङ्घीय सांसद समेत रहेका जिल्ला पार्टी सभापति पूर्णबहादुर तामाङ (कान्छाराम) निवर्तमान पार्टी सभापति लव श्री न्यौपाने , जन प्रतिनिधि लगायतका २ दर्जन जति नेता तथा कार्यकर्ता हरुले आ आफ्नो धारणा राख्नु भएको थियो ।
अभियान बाट आफू र आफू जस्ता धेरै नेता तथा कार्यकर्ताहरू उत्साहित भएको जिल्ला समन्वय समिति रामेछापकी प्रमुख समेत रहेकी नेपाली काँग्रेसकी नेतृ चिना खड्काले बताउनु भयो । सबै खाले भेटघाट र बैठक उत्साहजनक ढङ्गले भएका छन् । बैठकमा सकारात्मक र केही नकारात्मक खालका विचार आएका भए पनि त्यसबाट पार्टीको आन्तरिक सुदृढीकरण अभियानलाई भने निकै सहयोग पुग्ने पनि खड्काले बताउनु भयो ।
यो बारेमा तपाईको प्रतिकृया