रामेछाप ३ भदौ । गोकुलगंगा गाउँपालिका निवर्तमान अध्यक्ष खड्ग सुनुवारले गोकुलगंगा गाउँपालिकामा उत्पादन भएको अर्ग्यानिक आलु लाई राजधानी काठमाडौँको बजारीकरण सँग जोड्नु भएको छ । उहाँले शनिवार बाट भक्तपुर गठ्ठाघर पुल नजिकैको सटरमा आलुको पसल थापेर अभियानको सुरुवात गर्नू भए सँगै गोकुलगंगामा उत्पादित आलु राजधानीको बजार सँग जोडिएको हो ।
पहिले देखिनै व्यवसायी किसानको रूपमा पहिचान बनाउनु भएका निवर्तमान अध्यक्ष सुनुवारले गाउँमा उत्पादित अर्ग्यानिक आलुले प्रचार प्रसार र बजार अभावमा बजारीकरण हुन नपाउँदा कृषकहरूलाई परेको मर्कालाई मध्य नजर गरी उनीहरूलाई समेत राहत पुगोस् भन्ने उद्देश्यले आफनै अगुवाइमा आलुको बिक्री सुरु गर्नु भएको हो ।
आफूले सुरु गरेको अभियानमा जोडिन पनि उहाँले सबै जिल्ला बासी सँग आग्रह गर्नु भएको छ । पसल सञ्चालनमा आएसँगै सिङ्गो जिल्लाको समेत पहिचान सँग जोडिएको गोकुलगंगाको अर्ग्यानिक आलु सुलभ मूल्यमा काठमाडौंमानै बसेर खरिद गर्न सकिने भएको छ । पर्यटन सँगै कृषि उत्पादनमा प्रचुर सम्भावना रहेको गोकुलगंगाको आलु खरिद गर्नका लागि ठुलो सङ्ख्यामा मानिसहरू पसलमा आइरहेको कृषक सुनुवारले बताउनु भयो । अर्ग्यानिक आलु खुद्रा तथा होल खरिद गर्ने चाहनु हुने महानुभावहरूले सम्पर्क राख्नका लागि पनि सुनुवारले आग्रह गर्नु भएको छ ।
गाउँमै फलेको अर्ग्यानिक आलुको ‘चिनारी गराउन र त्यसको प्रचारप्रसार’ गर्दे बजार सञ्जाल सँग जोड्ने उद्देश्यले आफूले अभियान आरम्भ गरेको र आलु सँगै यसलाई यस वर्ष देखि किवी र अन्य उत्पादन र त्यसको बजारीकरण सँग समेत जोड्दै जाने लक्ष्य पनि सुनुवारले लिनु भएको छ । उत्पादनले बजार नपाएर गाउँमै आलु सडेको अवस्थामा आरम्भ गरिएको अभियानले सार्थकता पाउने हो भने गोकुलगंगाका किसानले संवृद्धका लागि टाढा जानु नपर्नै पनि पूर्व अध्यक्ष सुनुवारले बताउनु भयो ।
पालिकाका कृषकले उत्पादन गरेको ४ ट्रक आलु सङ्कलन गरेर अभियानको आरम्भ गर्नु भएका सुनुवारले प्रति केजी ४७ रुपैयाँमा बिक्री भइरहेको जानकारी दिनुभयो । गाउँमा प्रति केजी ३२ रुपैयाँमा खरिद गरेको आलु सङ्कलन र ढुवानी र सटर भाडाका कारण ४७ रुपैयाँ प्रति केजीका दरले बिक्री गर्नु परेको र बिक्री पनि राम्रो सँग भइरहेको पनि सुनुवारले जानकारी गराउनु भयो ।
होलसेलको छुट्टै मूल्य छ । तर, बिक्री राम्रो छ सुनुवारले भन्नुभयो । यो पटक गोकुलगंगा गाउँपालिकामा मात्रै ३ सय ट्रक भन्दा माथि सम्म आलु फेलेको अनुमानका आधार र कृषकहरूको मनोबल नखस्कियोस् र प्रचार प्रसार होस भन्नका लागि पनि आफूले यसको व्यापार
आरम्भ गरेका पनि सुनुवारले बताउनु भयो । उहाँले आलुबाट सुरु भएको आफ्नो गोकुलगंगाको यात्रालाई यसै वर्षको किवी र अन्य फलफूल सँगै पनि जोड्ने लक्ष्य रहेको जानकारी पनि गराउनु भयो ।
यो बारेमा तपाईको प्रतिकृया