रामेछाप १७ भदौ । ठेकेदार कम्पनीको लापरबाहीका कारण लामो समय देखि अपूर्ण रहेको निर्माणाधीन सेले घाट –रामेछाप– साँघुटार सडकको काम निर्धारित समय भित्र नसकिए कानुनी उपचार खोज्ने कुरामा सडक निर्माणको काम गर्ने जिम्मा पाएको ठेकेदार कम्पनी सहमत भएको छ ।
त्यैसैगरि बैठकले उक्त सडक निर्माणका क्रममा भएको ढिलाइले सडकमा यात्रा गर्ने यात्री तथा स्थानीय नागरिकहरू समेतले पाएको दुःखलाई महसुस गरी निर्धारित समय भित्र सडकको सबै काम सम्पन्न गरी सक्ने समेत निर्णय गरेको छ । कालोपत्रे गर्ने प्रयोजनका लागि काम सुरु भइरहेको उक्त सडक खण्डको मुख्य बजार क्षेत्र रामेछाप बजार र च्याउँकेठाटि देखि देउराली र साँघुटारको सिमाना वाघखोर डाँडा सम्मको सडकलाई तत्काल स्तरोन्नति गरी विजया दशमी अगावै सडकको अवस्था अनुसार ग्य्रावेल र सब बेसको काम सम्पन्न गरी सहजै यातायातको साधन सञ्चालन गर्न समेत सहमति भएको छ ।
रामेछाप नगरपालिकाको समन्वयमा आइतबार आयोजनाको कार्यालय रामेछाप ७ को हिलेपानीमा बसेको जन प्रतिनिधिहरू र सरोकारवाला हरूको बैठकले समयमानै सडकको काम सम्पन्न गरी सक्ने र २०८१ साल जेठ ५ गते सम्म सम्पन्न नभए कानुनी उपचार खोज्ने सहमति भएको छ । बैठकमा ठेकेदार कम्पनी (का प्रतिनिधि नितिन कुमार र सोयल टेष्ठ कम्पनीका प्रतिनिधि समेत सहभागी भएर उक्त निर्णय पत्रमा सहमति जनाउनु भएको रामेछाप नपा ७ का वडाध्यक्ष तथा रामेछाप नगरका प्रवक्ता समीर कार्कीले जानकारी दिनुभयो ।
बैठकमा बागमती प्रदेशका सांसद तारा नारायण श्रेष्ठ सरोकारवाला वडाका वडाध्यक्ष र विभिन्न राजनीतिक दलका स्थानीय प्रतिनिधि,, नागरिक अगुवा हरुले समेत सडकको अवस्था र ठेकेदार कम्पनीले गरेको ढिला सुस्ती सँगै काममा भएको ढिलाइ र प्रगतिका का बारेमा पनि व्यापक कुरा उठेको र आशातीत प्रतिबद्धता आएको जानकारी रामेछाप नगरका प्रवक्ता समीर कार्कीले गराउनु भयो । कार्कीले भन्नु भयो आगामी असोज ६ गते पुनः बस्ने गरी सम्पन्न भएको बैठक गत विगतको भन्दा फरक र प्रभावकारी भएको अनुभूति आफूलाई भएकोले निर्धारित समयमा काम सकिने कुरामा आफू भने पूर्ण विश्वस्त रहेको पनि प्रवक्ता कार्कीले बताउनु भयो ।
यो बारेमा तपाईको प्रतिकृया