रामेछाप १९ भदौ । सुनकोसी मरिन क्याम्प सँगैको सार्वजनिक स्थान मन्थली नपा ६को सिल्ली बजारमा घर बन्ने क्रम सकिन थालेपछि मन्थली नपाले सार्वजनिक सूचना प्रकाशन गरी त्यस खालका सबै कार्यलाई रोक्न आग्रह गरेको छ । नगरले सार्वजनिक ठाउँहरूको संरक्षणका लागि खासै चासो नदेखाईकन बसेको मन्थली नगरपालिकाले सोमबार सार्वजनिक सूचना मार्फत मन्थली नगर भित्र रहेका सार्वजनिक जग्गा अतिक्रमण गरी घर टहरा नबनाउनका लागि आग्रह गरेको हो ।
कुनै ठाउँ विशेषलाई लक्षित नगरी उसले मन्थली नगर क्षेत्र भित्रका सार्वजनिक जग्गाहरूमा कसैले घर टहरा लगायत अन्य भौतिक संरचनाहरू निर्माण गरे कारबाही गर्ने सम्मको चेतावनी दिएको हो ।
नगरपालिकाले प्रकाशन गरेको सूचनामा पछिल्लो समयमा मन्थली नगर क्षेत्र भित्रका विभिन्न सार्वजनिक जग्गाहरूमा विभिन्न व्यक्तिहरूले आफूखुसी घर टहराहरू बनाइरहेको भन्ने मौखिक सूचना नगरमा प्राप्त भएकाले आफ्नो भोगाधिकार भन्दा बाहेकको सार्वजनिक जग्गा र सामुदायिक वन क्षेत्रको जग्गा जस्ता सार्वजनिक जग्गा अतिक्रमण गरी कुनै पनि किसिमका भौतिक संरचनाहरू नबनाउन पनि उसले सरोकार वालाहरुका लागि सूचना प्रकाशन गरेको छ ।
अत्यन्त नरम शब्दमा जारी सूचना मार्फत उसले भनेको छ – कसैले यस सूचनाको अवज्ञा गरी नगर क्षेत्र भित्रका सार्वजनिक जग्गा अतिक्रमण गरी भौतिक संरचनाहरू बनाएमा नियमानुसार कारबाही हुने ब्यहोरा समेत जानकारी गराइन्छ । पछिल्लो समयमा सुनकोसी मरिन डाईभर सनको कामले तीव्रता पाए सँगै सुनकोसी किनारको सुरुङ्गमार्गको मुखमा पर्ने रामेछाप जिल्ला तर्फको मन्थली नपा ६ को सिल्ली बजारमा मरिन डाईभर सननले आफ्नो क्याम्प निर्माणको काम अन्तिम चरणमा पुर्याए सँगै केही स्थानीय र अन्य टाठा बाठाहरुले पनि त्यहाँको सार्वजनिक जग्गामा पक्की तथा कच्ची संरचना निर्माण गर्ने क्रमले तीव्रता पाएको छ । उक्त ठाउँमा बनेका संरचनाका बारेमा व्यापक रूपमा गुनासो आएपछि मन्थली नगरले उक्त सूचना जारी गरेको हुन सक्न\ स्थानीय ब्यवसायी दीनेश खड्काले गुनासो गर्नु भयो ।
सार्वजनिक सूचनालाई कार्यान्वयनका लागि नगरले वडा अध्यक्षहरू सँग पनि आग्रह गरेको मन्थली नगरपालिकाका प्रमुख हरि प्रसाद चापागाईँले बताउनु भयो । यो सबैजसो वडाको समस्या हो । त्यो सँगै सिल्ली बजारमा निर्मित संरचनाका बारेमा पनि बाक्लै गुनासाहरू आएको र त्यसप्रति पनि नगरपालिका गम्भीर रहेको प्रमुख चापागाईँले जानकारी दिनुभयो ।
उहाँले त्यहाँका बाँकी निर्माणको काममा भने रोकलगाईने र बनेका मध्य पक्की संरचनालाई भत्काइ कच्ची सरचनाहरुलाई भने निश्चित मापदण्डका आधारमा नगरको आय आर्जनमा लगाउन सकिने पनि बताउनु भयो । चापागाईँले सार्वजनिक सूचना प्रकाशन गरेर सबै वडाहरूको ध्यानाकर्षण गराइएको र उक्त प्रयोजनका लागि नगरले कानुन अनुसार नै अघि बढ्न चाहेको पनि बताउनु भयो । तथापि मन्थली नगरका सबैजसो वडाहरूमा सार्वजनिक जग्गा अतिक्रमण गरेर बस्नेहरूको सङ्ख्या प्रतिस्पर्धात्मक अवस्थामा निकै रहेको भए पनि यसको कार्यान्वयन लागि भने मन्थली नगरपालिका भने कडाइका साथ अघि बढ्ने सम्भावना भने न्यून रहेको छ ।
यो बारेमा तपाईको प्रतिकृया