रामेछाप २२ भदौ सदैव नागरिकको काममा लाग्नु पर्ने निजामती कर्मचारीहरूले हरुले निजामती सेवा दिवस २०८० विभिन्न रचनात्मक तरिकाले मनाएका छन् । विगत वर्षको तुलनामा यस वर्षको निजामती सेवा दिवसका अवसरमा अधिकांश कर्मचारीहरू उत्साहपूर्ण तरिकाले कार्यक्रममा सहभागिता जनाएका थिए । व्यावसायिक सृजनशील प्रशासन विकास, समृद्धि र सुशासन’ भन्ने नारासहित मनाइएको उक्त दिवस विगत वर्षको तुलनामा रचनात्मक र सकारात्मक तरिकाले सम्पन्न भएको पनि सहभागी हरुले बताउनु भएको छ ।
निजामती सेवा दिवसको उपलक्ष्यमा बिहीबार जिल्ला अस्पताल रामेछापमा रक्तदान कार्यक्रम गरी दिवसको औपचारिकता सुरु गरेका कर्मचारीहरू मध्ये कुल १८ जनाले रक्तदान पनि गर्नु भएको थियो ।
दिवसका अवसर शुक्रवार मन्थलीमा भेला भएका कर्मचारीहरूले प्रशासन कर्मचारी र प्राविधिक कर्मचारी र हलुका सवारी चालक कर्मचारी हरूबिच मैत्रीपूर्ण फुटबल प्रतियोगिता पनि भएको थियो । कर्मचारी मिलन केन्द्र रामेछापको आयोजना र रामेछाप जिल्ला फुटबल सङ्घको सहरीकरणमा भएको उक्त मैत्रीपूर्ण फुटबल प्रतियोगितामा प्रशासन समूह प्रथम,प्राविधिक समूह द्धितिय र हलुका सवारी चालक समूहले तृतीय स्थान प्राप्त गर्नु भएको थियो । सहभागी र विजेताखेलाडीहरुलाई बागमती प्रदेशका सांसद आनन्द कुमार श्रेष्ठ,मन्थली नगर प्रमुख लव श्रेष्ठ र प्रमुख जिल्ला अधिकारी अनिता निरौला समेतले संयुक्त रूपमा प्रमाण पत्र वितरण गर्नु भएको थियो ।
त्यसैगरि दिवसकै अवसर पारेर रामेछाप जिल्लाकी प्रमुख जिल्ला अधिकारी अनिता निरौलाको नेतृत्वमा जिल्ला भरीका निजामती कर्मचारी,जन प्रतिनिधि र नागरिक समाजका अगुवाहरू समेतको उपस्थितिमा आयोजकले सकारात्मक सोच सम्बन्धी तालीम पनि दिएको थियो ।
निजामती कर्मचारीहरूको अन्तर जागृत उत्साह र बौद्धिक सक्षमताको अधिकतम उपयोग सेवा प्रवाहमा लगाउन सकियोस् भन्ने मूल उद्देश्यका साथ सञ्चालन गरिएको तालीममा अन्तर्राष्ट्रिय प्रशिक्षक लक्ष्मी प्रसाद आचार्य र प्रशिक्षक तार गिरिले सकारात्मक सोच मार्फत मानव जीवन र व्यवहारमा अनि सेवा प्रवाहमा दिन र आउन सक्ने परिवर्तन र योगका बारेमा प्रशिक्षण दिनु भएको थियो । उक्त प्रशिक्षण अत्यन्तै व्यवहारिक र व्यक्ति अनि समाज परिवर्तनका लागि साधक हुने कार्यक्रमका प्रमुख अतिथि सांसद आनन्द श्रेष्ठले बताउनु भयो । उहाँले भन्नु भयो यस खालको सोच र प्रशिक्षणलाई व्यवहारमा ढाल्ने प्रयास सबैले गर्ने हो भने परिवर्तन धेरै टाढाको विषय होइन । समापनका क्रममा कार्यक्रमका अध्यक्ष प्रजिअ अनिता निरौलाले सबैलाई धन्यवाद पनि दिनु भएको थियो ।
यो बारेमा तपाईको प्रतिकृया