रामेछाप २७ भदौ । राष्ट्रिय बाल दिवस २०८० रामेछाप नगरपालिकाले विभिन्न कार्यक्रमका साथ मनाउने भएको छ । आगामी भदौ २९ गते पर्ने उक्त दिवसका दिन नगरले शुक्रवार नगरपालिका प्राङ्गणमा औपचारिक कार्यक्रम मार्फत दिवस मनाउने तयारी गरेको हो ।
दिवसका अवसरमा नगरले नगर भित्र रहेका मावि हरूका लागि नगर स्तरीय हाजिर जवाफ प्रतियोगिता, नगर भित्रका आधारभूत विद्यालयहरूका लागि आधारभूत स्तरीय बाद विवाद प्रतियोगिता सञ्चालन गर्ने भएको छ । त्यसैगरि नगरले सरोकारवालाहरूको बैठक मार्फत सोही दिन एसइई २०८९ र २०८०को कक्षा १२ को परीक्षामा उत्कृष्ट अङ्क ल्याउने विद्यार्थीहरू र राष्ट्रपति रनिङ्गशिल्ड प्रतियोगितामा स्वर्ण पदक प्राप्त गर्नै खेलाडीहरूलाई पनि सम्मान गर्नै कार्यक्रम लगायतका विविध कार्यक्रम तय गरेको पनि रामेछाप नगरपालिकाले जनाएको छ ।
यो बारेमा तपाईको प्रतिकृया