रामेछाप ३० भदौ । नेकपा एमाले रामेछापको भातृ सङ्गठन सङ्गठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) ले जिल्ला अध्यक्ष पदमा सङ्गठनका निवर्तमान सचिव पुष्कर भट्टराईको अध्यक्षतामा नयाँ नेतृत्व चयन गरेको छ । शुक्रवार बाट आरम्भ भएको १३ औँ जिल्ला अधिवेशनले भट्टराईलाई निर्विरोध रूपमा अध्यक्ष पदमा चयन गरेको हो । नयाँ समितिको तीन उपाध्यक्षमा क्रमशः निशान श्रेष्ठ, रिया मगर र गोपाल थोकरलाई चयन गरिएको छ ।
त्यसै गरी नव निर्वाचित सचिवमा युवराज सुनुवार, सह–सचिव हरूमा क्रमशः मुकेश भण्डारी, किरण कार्की र सुशील थापालाई चयन गरिएको छ । अबिधेशनबाट सङ्गठनको कोषाध्यक्षमा प्रकाश गौतम र कार्यालय सचिवमा विक्रम खड्का चयन हुनुभएको छ ।
शुक्रवार अबेर सम्म पार्टी नेतृत्वले सर्वसम्मत बनाउने प्रयास गरेको भए पनि नयाँ नेतृत्व चयन गर्ने सम्भव भएन । त्यस पछि शुक्रवार राति र शनिवार बिहान भएको पार्टी नेतृत्वको लामो प्रयास पछि शनिवार दिउँसो नेतृत्व निर्विरोध गराउन सफल भएको हो । (अनेरास्ववियु) रामेछापको अध्यक्ष पदमा यसअघिका रामेछाप जिल्ला संयोजक मदन खड्का, सह–संयोजक हिमाल बोहरा र नव निर्वाचित अध्यक्ष पुष्कर भट्टराईले दावी गरेपछि नेतृत्व चयनका लागि दुई दिनको समय लागेको थियो । अधिवेशन मन्थली स्थित तीनलाल पार्कमा भएको थियो ।
यो बारेमा तपाईको प्रतिकृया