रामेछाप ३१ भदौ । राष्ट्रिय प्रजातन्त्र पार्टी रामेछापको भगिनी संस्था राष्ट्रिय प्रजातान्त्रिक महिला सङ्गठनले शनिवार मन्थलीमा तीज विशेष कार्यक्रमको आयोजना गरेको छ ।
हरितालिका तीजका अवसरमा सबै पक्षका महिलाहरूलाई केन्द्रीकृत र एकाकार बनाई तीजको महत्वमाथि साक्षात्कार गराई मनोरञ्जन गराउनुका साथै महिला दिदी बहिनीहरूमा हार्दिकता साट्ने मुख्य उद्देश्यका साथ उक्त कार्यक्रमको आयोजना गरेको हो । उक्त कार्यक्रमको प्रमुख अतिथिका रूपमा बागमती प्रदेशका सांसद एवं सङ्गठनकी महासचिव कुमारी तामाङ रहनु भएको थियो । सो अवसरमा उहाँले– हिन्दु धर्म र तीजको महत्त्व माथि प्रकाश पार्नू हुँदै यसको लागि महिला दिदी बहिनीहरू एकै मोर्चामा समाहित हुनु पर्नै धारणा पनि राख्नु भयो । उहाँले देशका सबै धर्मालम्बिहरुको रक्षार्थ पनि हिन्दु सहितको राज संस्था आवश्यकता रहेको पनि बताउनु भयो ।
सङ्गठनकी अध्यक्ष शान्ता भुजेलको अध्यक्षतामा भएको उक्त कार्यक्रममा संविधान सभा सदस्य दाल कुमारी सुनुवार सङ्गठनकी उपाध्यक्ष सरस्वती श्रेष्ठले तीज विशेष कार्यक्रम गरेर सङ्गठनले महिलाहरूलाई आफ्नो धर्म रक्षाका साथै मनोरञ्जनका लागि पनि सहयोग पुगेको बताउनु भयो । कार्यक्रममा राप्रपा नेपालका अध्यक्ष रामचन्द्र कँडेल,नेपाल बार एसोसिएसनका अध्यक्ष पाण्डव प्रसाईँ लगायतका वक्ताहरूले पनि शुभकामना व्यक्त गर्नु भएको थियो । महिलाहरूको उल्लेखनीय उपस्थिति रहेको उक्त कार्यक्रमका अवसरमा सहभागी महिलाहरूलाई दर खुवाउनुका साथै र नाचगान कार्यक्रम समेत गरिएको थियो ।
यो बारेमा तपाईको प्रतिकृया