रामेछाप १३ असोज । नेपाल विद्यार्थी सङ्घ जिल्ला समिति रामेछापले प्रथम (नेविसंघ) कप २०८०’ खुल्ला पुरुष भलिबल प्रतियोगिता आयोजना गर्ने भएको छ । स्वास्थ्यका लागि खेल राष्ट्रका लागि खेल भन्ने मूल नाराका साथ खेलिने उक्त प्रतियोगिता विजया दशमी तथा शुभ दीपावली एवं छठ पर्वको अवसर पारेर गर्न लागिएको हो ।
उक्त प्रतियोगिता अन्तर्गत बागमती प्रदेशका १३ जिल्लाका सबै भलिबल खलाडीहरुको टिम सहभागी हुन पाउने छन् । विद्यार्थिहरुलाई खेल प्रतिको मोहलाई जीवन्त बनाउँदै दसैँ तथा तिहारको अवसर भएकोले विभिन्न जिल्लाका खेलाडीहरू समक्ष शुभकामना आदान प्रदान सहित खेलाईने उक्त खेल जिल्ला समन्वय समिति मन्थलीको खेल मैदानमा खेलाइने पनि जनाइएको छ ।
विजया दशमी अगावै असोज २६ गते शुक्रवारदेखि मन्थलीमा सुरु हुन लागेको भलिबल प्रतियोगिताका लागि आवश्यक तयारी भइरहेको जिल्ला समितिका अध्यक्ष विनोद बुढाथोकीले जानकारी दिनुभयो । प्रतियोगिताको समापन असोज २८ गते आइतबार औपचारिक कार्यक्रमका साथ गरिने छ । प्रतियोगितामा प्रथम हुने टिमलाई नगद २ लाख सहित शिल्ड, मेडल र प्रमाण पत्र प्रदान गरिने छ । प्रतियोगिता अन्तर्गत दोस्रो हुने टोलीलाई नगद १ लाख ५० हजार सहित शिल्ड, मेडल र प्रमाण पत्र र तेस्रो हुने टिमलाई नगद १ लाख शिल्ड, मेडल र प्रमाण पत्र र प्रतियोगितामा सान्त्वना हुनेलाई नगद ५० हजार सहित शिल्ड, मेडल र प्रमाण पत्र प्राप्त हासिल गर्ने कार्यक्रम पनि अध्यक्ष बुढाथोकीले जानकारी दिनु भयो ।
भलिबल प्रतियोगिताको माध्यमबाट विद्यार्थिहरुमा खेल प्रति र उनीहरूमा खेल प्रतिको प्रतिस्पर्धा सँगै चाहना र भावना जागरूक होस भन्नका लागि भलिबल प्रतियोगिताको आयोजना गर्न लागिएको नेविंसघका जिल्ला उपाध्यक्ष युवराज सुवेदीले बताउनु भयो । हाल सङ्गठन भलिबलको लागि आवश्यक तयारीमा जुटेको र सबै तयारी पुरा भई प्रमुख अतिथिको पनि टुङ्गोमा पुगेपछि थप कुरा सदरमुकाम मन्थलीमा पत्रकार सम्मेलनको आयोजना गरी सार्वजनिक गर्ने जानकारी पनि उपाध्यक्ष सुवेदीले गराउनु भयो ।
यो बारेमा तपाईको प्रतिकृया