रामेछाप २६ असोज । लामो समय देखि जिल्लाको सहकारी अभियानमा क्रियाशील सहारा बचत तथा ऋण सहकारी संस्थाले एक बर्षको अवधिमा ४३ लाख १० हजार ६ सय ८८ रुपैयाँ कमाउन सफल भएको छ । शुक्रवार मन्थलीमा सम्पन्न संस्थाको १८ औ साधारण सभाका अवसरमा प्रस्तुत प्रतिवेदनमा कर बाहेक संस्थाले गरेको बाँकी सबै खर्च कटाएर उक्त मुनाफा कमाउन सफल भएको जानकारी गराइएको हो ।
१८ औ साधारण सभाको उद्घाटन मन्थली नगरपालिकाकाका प्रमुख लव श्रेष्ठले पानसमा बत्ती बालेर गर्नु भएको थियो । आफ्नो उद्घाटन मन्तव्यका क्रममा प्रमुख श्रेष्ठले सहाराले जिल्लाको सहकारी अभियानमा पुर्याएको योगदानको चर्चा गर्नु हुँदै उसले गर्ने सबै काम सबल र अब्बल हुनु पर्ने कुरामा जोड दिनु भयो ।
उहाँले सहकारीहरूलाई नीति विधि र पद्धति भित्र रहेर काम गर्न आग्रह गर्दे विधि भित्र रहेर काम गर्ने सहकारीहरूलाई नगरपालिका सदैव सहयोग गर्न तयार रहेको बताउनु भयो । उहाँले सहकारीका सञ्चालकहरूको विश्वासमा सर्व साधारणले खाई नखाई रकम जम्मा गर्ने र उक्त रकम सङ्कट पर्दा खर्च गर्ने हुँदा सञ्चालकहरूलाई यसको मर्यादा जोगाएर काम गर्न पनि आग्रह गर्नु भयो ।
१८ वर्ष अघि संस्थापकहरूले सहकारी अभियान चलाएर समुदायमा रहेका विपन्न नागरिकहरूको आर्थिक र सामाजिक हैसियतमा परिवर्तन गर्ने असल नियत राखेर सञ्चालनमा ल्याएको उक्त सा कोसले हाल मन्थली र रामेछाप नगरपालिका समेतलाई कार्यक्षेत्र बनाएर काम गर्दे आएको छ । हाल संस्थामा कुल ४ हजार ७ सय ४४ जना शेयर सदस्य रहेका छन् । जस अनुसार उनीहरूको शेयर पुँजी गत आवमा २ करोड ३१ लख ४६ हजार ७ सय रुपैयाँ रहेको छ भने कुल शेयर पुँजी २३ करोड १ लाख ४६ हजार ७ सय रुपैयाँ पुगेको पनि प्रतिवेदनमा उल्लेख गरिएको छ ।
संस्थाका कोषाध्यक्ष चुक्त बहादुर मगर द्वार प्रस्तुत आर्थिक प्रतिवेदनका अनुसार– संस्था सँग आव २०।७९। ८०मा कुल बचत २१ करोड ९६ लाख ३८ हजार ६ सय ४२ रुपैयाँ पुगेको छ भने । बचत सँगै सा कोसले आफ्ना शेयर सदस्यहरूको ब्यवासायीक प्रयोजनका लागि गत आवमा मात्र १६ करोड ६४ लाख २१ हजार रुपैयाँ ऋण प्रवाह गरेको छ । जसमा लघु ऋणी १सय ६०,सवारी साधनका ऋणी १ सय ३१ र घर जग्गाको शिर्षकमा ऋण लिने १ सय ३२ जना रहेका छन् । त्यसैगरि संस्थाले गत आवमा २ करोड ३३ लाख १८ हजार ३ सय रुपैयाँको सम्पत्ति वृद्धि गरेको छ ।
संस्थाका सचिव शिशिर खड्गीको सञ्चालन तथा संस्थाका अध्यक्ष शिवराज श्रेष्ठको अध्यक्षतामा भएको उक्त साधारण सभाको उद्घाटन सभामा जिल्ला सहकारी सङ्घका अध्यक्ष हिमाल ढुङ्गेल,जिल्ला बचत तथा ऋण सहकारी सङ्घका अध्यक्ष जेएन दाहाल,नेपाल पत्रकार महाँसंघका जिल्ला अध्यक्ष बद्री नयाँघरे,नेफस्कुन फिल्ड कार्यालय मन्थलीका प्रमुख सुर्य बहादुर थापा लगाएतका वक्ताहरूले सहारा साकोसलाई १८ औ साधारण सभाका अवसरमा शुभकामना दिँदै सहारालाई सहकारी अभियानमा नीति,विधि र पद्धतिका आधारमा गर्विलो र दर्बिलो संस्थाका रूपमा स्थापित हुन आग्रह गर्नु भएको थियो ।
यो बारेमा तपाईको प्रतिकृया