रामेछाप २३ असोज । जिल्लाको पुरानो सहकारी मन्थली साकोसले एक वर्षमा खुद नाफा ५८ लाख ८ हजार ८ सय रुपैयाँ खुद नाफा कमाउन सफल भएको छ । साकोशले संस्थाको सबै खर्च कटाएर आव २०।७९। ८०मा उक्त खुद नाफा कमाउन सफल भएको हो ।
आफ्नो कार्यक्षेत्र भित्रको सबै वडा र बस्तीमा पुगेर ठाउँमा साधारण सभा सम्पन्न गरेको उक्त साकोसले शनिवार जिल्ला समन्वय प्रमुख,मन्थली , रामेछाप नगरपालिकाका प्रमुख,सहकारी संस्थाहरूका छाता सङ्गठन र जिल्लाका आम सञ्चार माध्यमका प्रमुख तथा प्रतिनिधि समेतको रोहबरमा संस्थाले गरेको मुनाफा सँग उसले एक वर्षको बिचमा संस्थागत रूपमा गरेको आर्थिक तथा साङ्गठनिक प्रगतिका बारेमा छलफल भएको थियो ।
साधारण सभामा सचिव हिमाल ढुङ्गेलले साङ्गठनिक र कोषाध्यक्ष टीका भट्टले आर्थिक प्रतिवेदन पेस गर्नु भएको थियो ।
साधारण सभाको उद्घाटन जिल्ला समन्वय प्रमुख चिना कार्कीले पानसमा बत्ती बालेर गर्नु भएको थियो । सो अवसरमा बोल्दै प्रमुख कार्कीले जिल्लाको सहकारी आन्दोलनमा मन्थली बचतले पुर्याएको योगदानको चर्चा गर्दे यसले आफूलाई जिल्लाका सबै सहकारीहरू भन्दा अब्बलताको कसीमा राखेर काम गर्न आग्रह गनुभयो । उहाँले पछिल्लो समयमा सहकारीहरू प्रति अविश्वास गर्ने हरूको सङ्ख्या बढेको र यसो हुनुमा संचालकहरुनै प्रमुख जिम्मेवार हुने हुँदा विधिका आधारमा मात्र काम गर्न सुझाउनु भयो ।
संस्थाका अध्यक्ष गोविन्द घिमिरेको अध्यक्षतामा भएको उक्त साधारण सभामा मन्थली नगरपालिकाका प्रमुख लव श्रेष्ठ र ,रामेछाप नगरपालिकाका प्रमुख लव श्री न्यौपानेले सहकारीको विकासका लागि नगर पनि सहयोग गर्न तयार रहेको भन्दै त्यसका लागि सहकारीका छाता सङ्गठनहरूलाई समन्वय गरेर अघि बढ्न पनि आग्रह गर्नु भयो । सर्व साधारणले दुख गरेर गरेको बचतको संरक्षण गर्नै दायित्व सञ्चालक र सञ्चालकले गलत गरे नियमन गर्नै निकाय स्थानीय सरकार पनि भएकोले सबै सहकारीहरूलाई शेयर सदस्यहरूको मन जितेर काम गर्नका लागि पनि उहाँ हरले आग्रह गर्नु भयो । प्रमुख द्वयले सबै सहकारीहरूलाई विधि र प्रविधि भित्र रहेर नगरको विकासमा सहयोग गर्न आग्रह गर्नु भयो । उहाँले नगर र नागरिकको संवृद्धि सँग जोडिएकोले सहकारीको विकासका लागी नगरपालिका पनि सकेको सहयोग गर्न तयार रहेको बताउनु भयो ।
२६ औ साधारण सभाका अवसरमा सहकारीले आफ ना सदस्य मध्ये उत्कृष्ट बन्न सफल विभिन्न विधाका शेयर सदस्य हरूलाई नगद र सम्मान पत्रद्वारा पुरस्कार प्रदान गरिएको हो ।
गत असार मसान्त सम्ममा उक्त सहकारीको कुल सदस्य सङ्ख्या १५ हजार ८ सय २९ पुगेको त्यसैगरि संस्था सँग शेयर पुँजी ९ करोड ५० लाख १९ हजार ९ सय,बचत सङ्कलन ९१ करोड ७३ लाख ३९ हजार १सय ४७ रुपैयाँ रहेको छ भने कुल सम्पत्ति १ अर्ब १४ करोड ८८ लाख १७ हजार ३ सय ४४ रुपैयाँ रहेको पनि साकोसका कोषाध्यक्ष टीका भट्टको प्रतिवेदनमा उल्लेख गरिएको थियो । कार्यक्रमका अवसरमा समाचार सम्प्रेषण गर्ने जिल्लाका पत्रकारहरूबाट युवा पत्रकार युवराज श्रेष्ठलाई नगद पुरस्कार र सम्मान पत्र द्वार सम्मान गरिएको थियो ।
यो बारेमा तपाईको प्रतिकृया