रामेछाप२५ असोज । नेकपा एमालेको भातृ सङ्गठन नेपाल खेलकुद महाँसंघको आयोजनामा सञ्चालित ३० वर्ष उमेर समूह माथिका खेलाडीहरूका लागि सञ्चालन गरेको फुटबल प्रतियोगिताको उपाधि मन्थली अस्पताल समूहको टिमले जित्न सफल भएको छ । प्रथम स्थान ओगट्न सफल भए बापत उक्त समूहलाई खसी पुरस्कार दिइएको थियो । शुक्रवार नेकपा एमाले बागमती प्रदेशका अध्यक्ष कैलाश ढुङ्गेलले उद्घाटन गर्नु भएको उक्त उक्त प्रतियोगितामा मन्थली अस्पताल समूहले १ गोलको अन्र्तरले पेनाल्टी सुट आउटमा रामेछाप जिल्ला प्राविधिक समूहलाई जित्न सफल भएको हो । उक्त खेल अन्तर्गतको अन्तिम गेममा मन्थली अस्पताल समूहका खेलाडी वसन्त घिमिरेले हानेको अन्तिम गोल नै मन्थली अस्पतालका लागि निर्णायक हुन पुगेको थियो ।
मन्थली स्थित स्थानीय तीनलाल पार्कमा सञ्चालन भएको खुल्ला फुट्वल प्रतियोगितमा प्रथम हुने टिमलाई खसी पुरस्कार र प्रमाण पत्र र द्धितिय हुने रामेछाप प्राविधिक समूहलाई बोका पुरस्कार र प्रमाण पत्र र तृतीय हुने रामेछाप ३० समूह र न्यु स्टार युवा क्लब कुनौरालाई बागमती प्रदेशका सांसद एवं कार्यक्रमका प्रमुख अतिथि आनन्द कुमार श्रेष्ठले १ । १ वटा कुखुराको भाले र प्रमाण पत्र प्रदान गर्नु भएको थियो ।
महासङ्घले विजया दशमी तथा शुभ दीपावलीको अवसर पारेर शुक्रवार र शनिवार तीनलाल मैदानमा आयोजना गरेको प्रतियोगितामा ३० वर्ष उमेर समूह माथिका खेलाडीहरूलाई मात्र सहभागी गराइएको थियो प्रतियोगिताका लागि जिल्ला भरीका विभिन्न ९ टिम सहभागी भएका थिए । उक्त कार्यक्रमको प्रायोजन भने मन्थली नगरपालिकाले गरेको थियो ।
महाँसंघका जिल्ला अध्यक्ष तेज घिसिङ्गको अध्यक्षतामा भएको खुल्ला फुटबल प्रतियोगिता खेल र खेलाडी मैत्री मात्र नभएर मनोरञ्जन मैत्री पनि भएको महासङ्घका सचिव मनोज माझीले जानकारी दिनुभयो ।
यो बारेमा तपाईको प्रतिकृया