रामेछाप । विभिन्न समयमा आफ्नो गतिशीलता बढाउँदै आएको नेपाली काँग्रेस रामेछाप–काठमाडौँ सम्पर्क समितिले विजया दशमी तथा शुभ दीपावलीका अवसरमा आफ्नो ‘स्मारिका’ विमोचन गरेको छ । उसले नेपाली काँग्रेसका केन्द्रीय सदस्य र सांसद डा. शशाङ्क कोइराला प्रमुख अतिथि बनाएर प्रकाशित स्मारिकाको विमोचन तथा काँग्रेस नेता तथा कार्यकर्ता समेतलाई आमन्त्रण गरी शुभकामना आदान प्रदान पनि गरेको हो ।
कार्यक्रमलाई सम्बोधन गर्दे प्रमुख अतिथि कोइरालाले सम्पर्क समितिबाट समयमयमा भए गरेका सामाजिक, सांस्कृतिक, प्राज्ञिक काम प्रति नेतृत्वलाई धन्यवाद दिँदै उसको सङ्गठन प्रतिको कर्तव्य र कर्मको बारेमा प्रशंसा पनि गर्नु भयो । विजयादशमी, दीपावली तथा छठ पर्वका अवसर पारेर असल काम गरेको भन्दै यस खालको गतिशीलतालाई निरन्तरता दिन सके पार्टी सङ्गठनको गति पनि चलायमान हुने बताउनु भयो । सो अवसरमा कोइरालाले विजया दशमी तथा शुभ दीपावलीका अवसरमा समिति र सबै नेता कार्यकर्ता तथा नेपाली जनहरूलाई उल्लासमय र मेल मिलापका साथ पर्व मनाउनका लागि शुभकामना पनि दिनुभयो ।
नेपाली काँग्रेस रामेछाप–काठमाडौँ सम्पर्क समितिको स्मारिका कोषाध्यक्ष–शकुन्तला त्रिपाठीज्यूको संयोजकत्वमा स्मारिका प्रकाशन समितिले गरेको प्रकाशनमा सम्पर्क मञ्चले गरेका गतिविधि र पार्टी जिल्लाको बारेमा पनि धेरै कुराको जानकारी हुने उल्ल्ोख गरिएको छ ।
प्रकाशन समितिका सचिव शुकदेव खड्काले सञ्चालन गर्नु भएको उक्त कार्यक्रमका अवसरमा प्रमुख अतिथि कोइरालाले नेपाली काँग्रेस रामेछापका प्रत्येक पालिकाका लागि पालिकाका सम्पर्क समितिका संयोजक लाई समाजसेवी रमेश खड्काद्धार प्रदान गरिएको माइक –साउण्डबक्स पनि प्रमुख अतिथि कोइरालाले हस्तान्तरण गर्नु भएको थियो।
यो बारेमा तपाईको प्रतिकृया