भूकम्प पीडितलाई मन्थली नगरले ५ लाख पठायो

कात्तिक २१ रामेछाप । गएको शुक्रवार राति जाजरकोट जिल्लाको बारेकोट गाउँपालिकाको रामिडाँडा केन्द्र बिन्दु बनाएर गएको भूकम्प प्रभावितलाई मन्थली नगरपालिका सहयोग स्वरुप ५ लाख रुपैयाँ पठाएको छ । नगरपालिकाले आज मंगलबार ३ लाख रुपैयाँ केन्द्रिय दैवि प्रकोप उद्धार कोषमा र २ लाख सिधै जाजरकोट जिल्ला प्रकोप उद्धारकोषमा पठाएको हो ।
भूकम्पमा परी जाजरकोट र रुकुम पश्चिममा गरेर १ सय ५३ जनाको मृत्य भए सँगै ठूलो मात्रमा क्षति भएपछि संघिय सरकार संगै देश भित्र र बाहिरबाट सहयोग गर्ने संख्या वढ्दै जाँदा मन्थलीले पनि उक्त रकम सहयोग स्वरुप पठाएको मन्थली नगरपालिकाका प्रमुख प्रशासकिय अधिकृत हरी प्रसाद चापागाईले जानकारी दिनु भयो ।
भत्कीएर घाईते भएको विकराल घटनाका प्रभावितहरुका लागि थोरै भएपनि राहत पुगोस भनेर मन्थली नगरले उक्त नगद सहयोग गरेको हो ।
मन्थली नगरपालिका प्रमुख लव श्रेष्ठको अध्यक्षतामा बसेको आकस्मिक बैठकले विपद्मा परेको बेलामा एक नेपालीले अर्काे नेपालीलाई सहयोग गर्नु नेपालीको दायीत्व भएकोले मन्थली नगरपालिकाले पनि सहयोग स्वरुप उक्त रकम पठाएको हो ।