रामेछाप ६ मङ्सिर । जिल्ला प्रहरी कार्यालय रामेछापले जबरजस्ती करणी मुद्दामा फरार रहेका एक जना नाबालकलाई पक्राउ गरेको छ । जिल्ला अदालत रामेछापबाट १२ वर्ष ५ महिना कैद सजाय सहित ३ लाख जरिवानामा परेका फरार ती नाबालकलाई प्रहरीले गत मङ्गलवार बिहान सुनपती गाउँपालिका वडा नं ४ बेथानबाट पक्राउ गरेको हो । पक्राउ पर्ने व्यक्ति नाबालक रहेकाले उनको नाम भने गोप्य राखिएको प्रहरीले जनाएको छ ।
परिवर्तित नाम ए थ्री दिइएको उनलाई २०७९ पुस ४ गते जिल्ला अदालत रामेछापले १२ वर्ष ५ महिना १७ दिन कैद र ३ लाख जरिवाना फैसला गरेको र सोही आधारमा प्रहरीले खोजतलास गरिरहेको तलासीका क्रममा उनलाई हिजो मङ्गलवार बेथानबाट पक्राउ गरी आज जिल्ला अदालत रामेछापमा पेस गरिएको जिप्रका रामेछापले जनाएको छ ।
यो बारेमा तपाईको प्रतिकृया